Fianaragna Faha-15

Fagnampiagna Olo Hafa Hagnano Raha Takin’ny Zagnahary

Nagnino raha nianaranao tôkony koragninao amin’olo hafa koa? (1)

Azôvy aby azonao hagnambaragna vaovao tsara? (2)

Ino ilagna fanagnana toetry tsara amy fagnanaovanao zegny? (2)

Ombiagna anao vo mahazo mitory miaraka amy fiangonagna? (3)

1. Aifa maro raha tsara nianaranao boaka tamy Baiboly. Fahaizagna jiaby nazonao igny hagnampy anao hianatra hanagna toetry kristianigny. (Efesianina 4:22-24) Ilaigna fahaizagna io hazahoanao fiaignana tsisy farany. (Jaona 17:3) Kanaifa mbala misy olo hafa koa mila maharegny vaovao tsara beky voavonjy. Taigna Kristianigny jiaby tsy maintsy mitory amin’olo. Didin’ny Zagnahary zegny.—Romanina 10:10; 1 Korintianina 9:16; 1 Timoty 4:16.

2. Anao mety manomboko mikoragna raha tsara nianaranao amin’olo fankazatra aminao. Koragna ry havanao, kamaradinao, olo lekaoly araiky aminao ndraiky olo miaraka miasa aminao. Amy fagnanaovanao zegny, tôkony tsara fagnahy ndraiky mahari-draha anao. (2 Timoty 2:24, 25) Alaiva onogno fa matetiky toetrinao zahan’olo fa tsy raha koragninao. Fanagnana toetry tsara mandrisiky olo hitandregny hafatra indesinao.—Matio 5:16; 1 Petera 3:1, 2, 16.

3. Teteky iô, anao mety ahafeno raha takigna amy mpitory. Amy zegny anao vo afaka miaraka mitory amy fiangonagnan’ny Vavolombelogn’i Jehovah. (Matio 24:14) Mba iritriraita hely akôry haravoagnanao laira anao mahavita magnampy olo hanjary mpivavaka amy Jehovah, sady hahazo fiaignana tsisy farany!—1 Tesalonianina 2:19, 20.