Ino ma Raha Ten̈a Mampasambatra Tokantran̈o?

KARAKORY VOLAN̈INY BAIBOLY?

‘Zay olo mitandren̈y ndreky man̈araka volan̈a Zan̈ahary fo sambatra!’—Lioka 11:28, Fandikan-tenin’ny Tontolo Vaovao.

INO MAHATSARA ANAO MAHAY ZEN̈Y?

Anaro hifankatia tsarabe.—Efesianina 5:28, 29.

Anaro hifan̈aja.—Efesianina 5:33.

Anaro hilamintsain̈y.—Marka 10:6-9.

MBA MARIN̈Y EDY MA RAHA VOLAN̈INY BAIBOLY ZEN̈Y?

Ia. Misy antony aroe ty:

• Baka amy Zan̈ahary nampanisy tokantran̈o io. Baiboly mivolan̈a fa baka amy Zan̈ahary Jehovah ‘azahoany fianakavian̈a jiaby an̈aran̈a.’ (Efesianina 3:14, 15) Fianakavian̈a io tsisy, izikoa tsy Jehovah namoron̈o izio. Nan̈ino ma tsara atsika mahay zen̈y?

  Ty misy ohatra: Izikoa anao mihina hanin̈y masiro, ke tianao hay raha nataonolo nampasiro izio, olo nandoky izy tsara an̈ontanianao.

  Zan̈ahary namoron̈o tokantran̈o io. Izikoa tiantsika ho sambatra tokantran̈ontsika, atsika mila man̈araka raha volan̈iny.—Genesisy 2:18-24.

• Zan̈ahary mikarakara anao. Ten̈a ho sambatra fianakavian̈a, koa man̈araka volan̈a Jehovah momba tokantran̈o, fotony izy mikarakara atsika. (1 Petera 5:6, 7) Jehovah io ten̈a tia atsika, ke raha jiaby volan̈iny mahatsara atsika fo.—Ohabolana 3:5, 6; Isaia 48:17, 18.