Olo Maty ma Mbala ho Velon̈o?
Akory hevitrinao?
Ia?
sa ehe?
sa mbala misalasala?
KARAKORY VOLAN̈INY BAIBOLY?
‘Olo maty mbala hivilomin̈y.’—Asan’ny Apostoly 24:15, Fandikan-tenin’ny Tontolo Vaovao.
INO MAHATSARA ANAO MAHAY ZEN̈Y?
Mankahery atsika.—2 Korintianina 1:3, 4.
Atsika tsy mavozo maty eky.—Hebreo 2:15.
Atsika man̈anten̈a mbala hahita havantsika ho velon̈o.—Jaona 5:28, 29.
MBA MARIN̈Y EDY MA RAHA VOLAN̈INY BAIBOLY ZEN̈Y?
Ia. Misy antony telo ty:
Baka amy Zan̈ahary fahin̈ana io. Baiboly mivolan̈a fa Jehovah ‘loharanony fahin̈ana.’ (Salamo 36:9; Asan’ny Apostoly 17:24, 25) Izy niasa fahin̈ana io, ke tsy sarotro aminany hamelon̈o olo maty.
Zan̈ahary efa namelon̈o olo maty taloha tan̈y. Baiboly mitantara olo valo nivilomin̈y tambony tany teto, an̈atinizen̈y lelahy, man̈angy ndreky tsaiky. Sasany nivilomin̈y tsy ela tafarany nifatesandro, fa araiky efa naty efatra andra vo nivilomin̈y!—Jaona 11:39-44.
Zan̈ahary efa von̈ono hamelon̈o olo maty. Amy Zan̈ahary, fahafatesan̈a io mira fahavalo. Dikanizen̈y, Zan̈ahary tsy tia fahafatesan̈a io. (1 Korintianina 15:26) Zan̈ahary efa von̈ono hamelon̈o olo maty, baka io fahafatesan̈a io hifoan̈any. Azony onon̈o raha momba olo jiaby maty in̈y, ke izy efa man̈iry mare hamelon̈o iro in̈y ambony tany eto.—Joba 14:14, 15.