Jaly io ma Mbala ho Afaka?

KARAKORY VOLAN̈INY BAIBOLY?

‘Zan̈ahary hamafa ranomaso jiaby amy masondro, fahafatesan̈a tsy ho hisy eky, alahelo tsy ho hisy, tarain̈y tsy ho hisy, tehotehoko tsy ho hisy.’ —Apokalypsy 21:3, 4, Fandikan-tenin’ny Tontolo Vaovao.

INO MAHATSARA ANAO MAHAY ZEN̈Y?

Anao matoky fa jaly io tsy baka amy Zan̈ahary.—Jakoba 1:13.

Mamparavoravo koa mahay fa Zan̈ahary mahinakinaka olo mijaly.—Zakaria 2:8.

Anao manjary man̈anten̈a fa jaly io mbala hifoan̈any Zan̈ahary.—Salamo 37:9-11.

MBA MARIN̈Y EDY MA RAHA VOLAN̈INY BAIBOLY ZEN̈Y?

Ia. Misy antony aroe ty:

• Tsy tiany Zan̈ahary mahita fijalian̈a io ndreky raha tsy marin̈y. Koran̈iny amy Baiboly ao fa nisy fotoan̈a olony Zan̈ahary taloha tan̈y nampijalinolo. Nan̈ano karakory Jehovah tamy zen̈y? Nalahelo izy nahita iro nijaly ndreky naharen̈y iro nitarain̈y.—Mpitsara 2:18.

  Ten̈a halany Zan̈ahary olo mampijaly olo. Baiboly mivolan̈a fa halany Jehovah ‘tan̈anolo mandatsaka lionolo tsy manantsin̈y.’—Ohabolana 6:16, 17

• Zan̈ahary mikarakara atsika tsiaraikiaraiky. Ndray olo fo mahita fa ratsy mijaly io, ke intsaka eky Jehovah!—2 Tantara 6:29, 30.

  Fanjakan̈any Zan̈ahary koa fa mitondra, hadosony raha jiaby mampanahiran̈a olo tsiaraikiaraiky. (Matio 6:9, 10) Rango izioty, izy efa mankahery olo mivavaka aminany.—Asan’ny Apostoly 17:27; 2 Korintianina 1:3, 4.