Ino ma Fanjakan̈any Zan̈ahary Zen̈y?

KARAKORY VOLAN̈INY BAIBOLY?

“Zan̈ahary hanangana fanjakan̈anany andan̈itry an̈y. Fanjakan̈a io tsy ho ravan̈a.”—Daniela 2:44, Fandikan-tenin’ny Tontolo Vaovao.

‘Tsaiky lelahy hamian̈a atsika. Tsy ho hisy farany fahifan̈anany io.’—Isaia 9:6, 7.

INO MAHATSARA ANAO MAHAY ZEN̈Y?

• Tsara fitondrasan̈a io, fotony man̈ano ny marin̈y.—Isaia 48:17, 18.

• Ho tsara fiain̈ana amy zen̈y. Olo jiaby ho salama vatan̈a ndreky ho sambatra.—Apokalypsy 21:3, 4.

MBA MARIN̈Y EDY MA RAHA VOLAN̈INY BAIBOLY ZEN̈Y?

Ia. Misy antony aroe ty:

• Jesosy nan̈ano raha nahitanolo raha hataony Fanjakan̈any Zan̈ahary io. Nampianariny hivavaka karaha ty pianatranany: “Irarian̈a ho avy Fanjakan̈anao. Irarian̈a hatao ambony tany eto koa sitraponao.” (Matio 6:9, 10) Nan̈ano raha koa izy nahitanolo fa ho vitany Zan̈ahary ankitin̈y zen̈y.

  Jesosy tambony tany teto nahavita nan̈amia hanin̈y olo mosary, nampajanga olo marary ndreky namelon̈o olo naty. (Matio 15:29-38; Jaona 11:38-44) Izy Panjaka amy Fanjakan̈any Zan̈ahary io, ke hita tamy raha nataony io fa ho tsara fiain̈ana, izy koa fa manjaka amy tany ty.—Apokalypsy 11:15.

• Jaly mahaimaro io mivolan̈a fa efa tsy ho ela Fanjakan̈any Zan̈ahary io hanjaka amy tany ty. Jesosy nivolan̈a fa alohany Fanjakan̈a io hanjaka amy tany ty, mbala hisy ady, mosary ndreky tany mitotro.—Matio 24:3, 7.

  Zen̈y raha hitantsika izioty. Dikanizen̈y, ten̈a efa tsy ho ela Fanjakan̈any Zan̈ahary io hanjaka amy tany ty, ke han̈adoso jaly jiaby mahazo atsika.