Akory Hahavy Anao Hahazo Hatsaran̈a koa fa Mamaky Baiboly?

Asa efa nisy fotoan̈a anao tihan̈ano asa araiky maventy, kanefa hitanao fa tsy mora man̈ano izio? Nety nataonao tsihelihely izio, baka tsy sarotro taminao nan̈ano izy. Tsisy ny hafa amy zen̈y koa famakian̈a Baiboly io. Anao mety han̈ontany ten̈a: ‘Aia hanombohako izy?’ Amy fianaran̈a ty, ho hitantsika ato fomba tsotra han̈ampy anao ho tia mamaky ndreky mianatra Baiboly.

1. Nan̈ino ma atsika tokony hamaky Baiboly isanandra?

Salakady ho sambatra ndreky hahomby olo araiky, izikoa mamaky Baiboly na “lalàn̈any Jehovah” isanandra. (Vakia Salamo 1:1-3.) Amy voanalohany, tsara izikoa tsy ataonao lava raha vakinao isanandra. Anao koa zatra man̈ano zen̈y, hanjary hamparavoravo anao mamaky Baiboly io.

2. Akory hahavy anao hahazo hatsaran̈a koa fa mamaky Baiboly?

Izikoa tiantsika hahazo hatsaran̈a lera mamaky Baiboly, atsika mila mijanon̈o hely mangala onon̈o raha nivakintsika. Atsika tokony hamaky ndreky ‘hangala onon̈o izio.’ (Josoa 1:8) Anao koa fa mamaky izio, man̈ontania karaha ty: ‘Ino ma raha koran̈inizy ty momba Jehovah? Akory han̈arehako izity amy fiain̈ananaka? Akory hampiasako andininy aby ty han̈ampiako olo hafa?’

3. Akory ahitanao fotoan̈a hamakian̈a Baiboly?

Sarotro aminolo maro mahita fotoan̈a hamakian̈a Baiboly. Karaha zen̈y koa ma anao? Mahaiza ‘mampiasa tsarabe fotoan̈anao.’ (Efesianina 5:16) Tsara izikoa anao manokana fotoan̈a hely isanandra, hamakian̈a Baiboly. Olo sasany mifoha bonera mamaky Baiboly. Sasany lera iro baka mihina matsan̈a in̈y iro mamaky Baiboly. Misy ndraiky olo, alohany mandry alin̈y iro mamaky Baiboly. Aia amindro io ten̈a mety aminao?

ALEVA ONON̈O

4. Mianara ho tia mamaky Baiboly

Mety tsy mora aminao mamaky Baiboly io amy voanalohany. Fa izikoa anao man̈ano raha ‘hitiavanao’ mamaky izio, karaha ataonolo matetiky man̈andran̈a hanin̈y mbala tsy mahazatra izy in̈y, ho tianao fo mamaky Baiboly. Vakia 1 Petera 2:2, avio iaraha dinihin̈y fan̈ontanian̈a ty:

• Fahitanao izy, izikoa anao mamaky Baiboly isanandra, asa ho tianao sady hahaiho tianao fo hamaky izio?

Alifasa VIDEO io ahitanao iro olo aby nianatra ho tia mamaky Baiboly. Avio iaraha dinihin̈y fan̈ontanian̈a ambany io.

VIDEO: Tanora Mianatra ho Tia Volan̈a Zan̈ahary (5:33)

• Ino raha sarotro tamindro tanora aby in̈y tamy voanalohany?

• Akory nahavy iro nahavita nanakatra tanjon̈o namaky Baiboly?

• Akory nataondro baka iro mahazo hatsaran̈a baka amy famakian̈a Baiboly?

Sosokevitry:

• Mifidiana fandikanteny azo antoko sady man̈araka toetrandra. An̈ohara Fandikan-tenin’ny Tontolo Vaovao izikoa misy amy volan̈anaro.

• Atomboha amy boky amy Baiboly ten̈a tianao famakian̈a Baibolinao. Mizahava hevitry amy tablo “Programony Famakian̈a Baiboly.”

• Asiava lamariky tany nijanonanao. Ampiasà tablo “Asiava Lamariky Tany Nijanonanao.”

• Ampiasà JW Library^® Anao mety mamaky Baiboly ao ndreky mety mitandren̈y olo mamaky izio ao amy smartphone, na fitaovan̈a elektroniky hafa.

• Ampiasà iro tablo amy Fitaovan̈a Fianaran̈a Soratra Masin̈y. Misy sarintany ndreky tablo man̈ampy anao ho tia mamaky Baiboly ao.

5. Akory atao man̈oman̈a fianaran̈a Baiboly?

Vakia Salamo 119:34, avio iaraha dinihin̈y fan̈ontanian̈a aby ty:

• Ino mahatsara anao mivavaka ankendriky alohany hamaky Baiboly ndreky alohany han̈oman̈a fianaran̈a Baiboly?

Akory tokony hataonao baka anao hahazo hatsaran̈a baka amy raha oman̈inao io? Isaka anao man̈oman̈a, an̈ohara ty:

1. A. Vakia iro fehintsoratra jiaby an̈abony “ALEVA ONON̈O” io.

2. B. Tadiava, avio vakia iro andininy misoratra vakia io, avio diniha ino ifandraisany andininy io amy raha ianaranao amy boky io.

3. D. Asia lamariky volan̈a na fitambarany volan̈a mamaly fan̈ontanian̈a tsiaraikiaraiky; raha zen̈y hampamora fianaranao miaraka amy papianatra.

Asa mba hainao?

Vavolombelon̈o Jehovah mampiasa fandikanteny isankarazany. Fa ny ten̈a tianay fo Ny Soratra Masina​—Fandikan-tenin’ny Tontolo Vaovao fotony izio marin̈y, mazava, avio mampiasa an̈arany Zan̈ahary.​—Zahava lahatsoratra aminy Internet “Vavolombelon̈o Jehovah ma Manan̈a Baibolindro Manokana?”

INO RAHA NIANARANAO TATO?

Izikoa tianao hahazo hatsaran̈a baka amy Baiboly, man̈anova programo hamakian̈a izio, mivavaha baka mazava aminao raha vakinao, avio man̈omàn̈a isaka alohany hianaranao Baiboly.

Fan̈ontanian̈a Fameren̈ana

• Akory tokony hataonao baka anao hahazo hatsaran̈a baka amy famakianao Baiboly?

• Lera karakory mety aminao hamakian̈a ndreky hianaran̈a Baiboly?

• Nan̈ino ma tsara izikoa anao man̈oman̈a isaka alohany hianatra Baiboly?

ZAHAVA

Impodiana zahan̈a ndraiky koa iro hevitry aby han̈ampy anao hahazo hatsaran̈a baka amy famakianao Baiboly.

“Ino Raha Han̈ampy Anao ho Tia Mamaky Baiboly?” (Tilikambo Fiambesan̈a No. 1 2017)

Ianara iro fomba telo mety han̈anovan̈a famakian̈a Baiboly.

“Akory Han̈ampiany Baiboly io Zaho?​—Fizaran̈a 1: Nan̈ino Anao Tokony Hamaky Baiboly?” (Lahatsoratra aminy Internet)

Zahava akory hahavy anao ho tia mamaky Baiboly.

“Akory Han̈ampiany Baiboly io Zaho?​—Fizaran̈a 2: Akory Hitiavanao Mamaky Baiboly?” (Lahatsoratra aminy Internet)

Zahava akory nataondro olo aby efa namaky Baiboly efa taon̈otaon̈o.

Fianaran̈a Manokan̈a Pare Tsarabe (2:06)