Ino Han̈ampy Anao Hanohy Fianaranao Baiboly Fo?

Ten̈a azahoan̈a hatsaran̈a fianaran̈a Baiboly io, kanefa mety tsy ho mora ahavitan̈a izio. Mety misy fotoan̈a anao mety hieritreritry tsao mba tokony hajanon̈o fianaran̈a. Ino mahatsara anao mifen̈y mianatra fo? Ino raha mety han̈ampy anao hiaritry fo?

1. Nan̈ino ma ten̈a ilain̈y mianatra Baiboly?

“Volan̈a Zan̈ahary io velon̈o ndreky mahery.” (Hebreo 4:12) Ten̈a ilain̈y Baiboly io, fotony ao misy hevitriny Zan̈ahary ndreky fihetsehamponany momba anao. Izio koa han̈ampy anao hahazo fahaizan̈a, ten̈a fahendrena ndreky fan̈antinan̈a. Fa ny ten̈a maventy, Baiboly io koa han̈ampy anao hanjary kamaradiny Jehovah. Anao koa mianatra Baiboly, ho hitanao fa vitanizio mankatsara fiain̈ananao.

2. Nan̈ino ten̈a raha maventy fahaizan̈a fa valera ankitin̈y ny marin̈y amy Baiboly?

Ny marin̈y amy Baiboly io ten̈a valera ankitin̈y. Zen̈y mahavy Baiboly mandrisiky atsika ‘hividy fahamarin̈ana baka io tsy handafo izio foeky.’ (Ohabolana 23:23) Atsika koa mieritreritry fa valera fahamarin̈ana amy Baiboly ao, hifen̈y fo atsika hianatra izio, ndray misy raha manakantsakan̈a.​—Vakia Ohabolana 2:4, 5.

3. Akory mety han̈ampiany Jehovah anao hanohy hianatra fo?

Jehovah Zan̈ahary Pamoron̈o anao sady Kamaradinao io tihan̈ampy anao hianatra momba izy. Izy afaka man̈amia anao ‘fan̈irian̈a ndreky angovo han̈anovan̈a sitraponany.’ (Vakia Filipianina 2:13.) Ke izikoa anao ndraikindraiky mila ampian̈a hely baka hazoto hianatra ndreky han̈araka raha ianaranao, izy afaka man̈ampy anao. Avio izy koa afaka man̈ampy anao lera anao tojy raha manamban̈a fianaran̈anao, na lera misy olo manohitry anao. Mivavaha amy Jehovah isanandra, ke angataha izy han̈ampy anao, baka anao hahavita hanohy fianaranao Baiboly fo.​—1 Tesalonianina 5:17.

ALEVA ONON̈O

4. Ataova voalohantoeran̈a fianaranao Baiboly

Misy fotoan̈a atsika ten̈a maletry, ke karaha tsisy fotoan̈a foeky hianaran̈a Baiboly. Ino raha mety han̈ampy atsika? Vakia Filipianina 1:10, avio iaraha dinihin̈y fan̈ontanian̈a aby ty:

• Aminao, ino ma raha “ten̈a maventy” amy fiain̈ana?

• Akory han̈anovanao voalohantoeran̈a fianaran̈a Baiboly io?

1. Izikoa anao mampiditry vato ndreky jia an̈aty siô, ke jia alefanao aloha, tsy ho tafiditry edy vato

2. Izikoa ndraiky vato ampidirinao aloha, ho tandry ao koa jia. Karaha zen̈y koa anao izikoa man̈ano voalohantoeran̈a “raha ten̈a maventy”, ho vitanao izio avio mbala hanan̈a fotoan̈a han̈anovan̈a raha hafa koa anao

Fianaran̈a Baiboly io ahaizantsika Zan̈ahary ndreky fomba tokony hanompoan̈a izy. Vakia Matio 5:3, avio iaraha dinihin̈y fan̈ontanian̈a ty:

• Ino hatsaran̈a ho azontsika izikoa ataontsika voalohantoeran̈a fianaran̈a Baiboly?

5. Miareta fo koa fa misy manohitry

VIDEO: Nahazo Hatsaran̈a Fotony Niaritry (5:22)

• Tamy video in̈y, akory nataony kamaradiny Francesco ndreky reniny, koa fa nikoran̈iny tamindro raha nianarany?

• Ino hatsaran̈a nazony fotony izy niaritry?

Vakia 2 Timoty 2:24, 25, avio io iaraha dinihin̈y fan̈ontanian̈a aby ty:

• Akory fahitany havanao ndreky kamaradinao anao mianatra Baiboly?

• Izikoa andininy aby io zahan̈a, akory tokony hataonao izikoa misy olo tsy ravoravo mahita anao mianatra Baiboly? Nan̈ino?

6. Matokisa fa Jehovah han̈ampy anao

VIDEO: Jehovah Nan̈ampy Zaho Hiova (3:56)

• Tamy video in̈y, ino aby raha nila nivoany Jim baka izy hamparavoravo Jehovah?

• Ino raha ten̈a tianao tamy raha nataony?

Vakia Hebreo 11:6, avio iaraha dinihin̈y fan̈ontanian̈a aby ty:

• Ino raha hamiany Jehovah olo “mitady izy mare”, dikanizen̈y olo mifen̈y mianatra momba izy ndreky man̈ano raha mamparavoravo izy?

• Akory fahitany Jehovah anao mifen̈y man̈ano raha mamparavoravo izy?

INO RAHA NIANARANAO TATO?

Fianaran̈a Baiboly io ndray tsy voatery ho mora, izio han̈ampy anao hahazo fiain̈ana tsisy farany. Matokisa Jehovah fo fa izy hitahy anao.

Fan̈ontanian̈a Fameren̈ana

• Nan̈ino ma fahamarin̈ana amy Baiboly io ten̈a valera aminao?

• Akory ‘hahaizanao tsarabe raha ten̈a maventy’?

• Nan̈ino anao tokony hangataka amy Jehovah han̈ampy anao hanohy fianaranao Baiboly?

ZAHAVA

Zahava hevitry efatra nan̈ampy olo maro hahay hampiasa tsarabe fotoan̈andro.

“Mahaiza Mampiasa Fotoan̈a” (Mifohaza! Fevrie 2014)

Zahava tantarany man̈angy araiky. Tamy voanalohany, tsy nazava tamy vadiny nan̈ino izy mifen̈y man̈ano raha mamparavoravo Jehovah. Zahava akory nataony Jehovah nan̈ampy izy.

Jehovah Man̈ampy Atsika Mitondra Entan̈antsika (5:05)

Zahava ino hatsaran̈a nazony vadiny man̈angy io, baka tamy fiaretan̈any man̈angy io.

Nidinihiko Lalin̈y Fahamarin̈ana (6:30)

Vavolombelon̈o Jehovah matetiky tsahoenolo mampisaraka fianakavian̈a. Marin̈y ma zen̈y?

“Vavolombelon̈o Jehovah ma Mampisarabady?” (Lahatsoratra aminy Internet)