FANOMBOHAN̈A KORAN̈A
FIANARAN̈A 1
Mikoràn̈a Raha Tianolo
Toro lalan̈a: “Fitiavan̈a io . . . tsy mitady raha hahatsara izy tompiny fo.”—1 Kor. 13:4, 5.
Ino Raha Nataony Jesosy?
1. Zahava VIDEO, na vakia Jaona 4:6-9, baka io valia fan̈ontanian̈a aby ty:
Ino raha nidinihiny Jesosy momba man̈angy io, talohanizy nanomboko koran̈a?
Jesosy nivolan̈a: ‘Mba ameza rano kony higiahiko.’ Nan̈ino ma ten̈a nety fanombohan̈a koran̈a io?
Ino Raha Ianarantsika Baka amy Jesosy?
2. Hay be fa ho tsara koran̈antsika izikoa raha tianolo hitaritantsika koran̈a.
Aleva Tahaka Jesosy
3. Mahaiza mandanjalanja. Anao koa fa manomboko koran̈a, aza tiren̈y hifan̈araka amy raha efa noman̈inao fo. Raha iritriretiny olo io amy fotoan̈a io koràn̈a. Iritrireta hely:
‘Ino vaovao mandalo?’
‘Ino raha ten̈a koran̈iny jiraninaka, olo fiasan̈a araiky aminaka na olo miaraka mianatra aminaka?’
4. Mahaiza mandiniky. Iritrireta hely:
a. ‘Ino raha ataonolo io? Ino raha mety iritriretiny?’
b. ‘Izikoa sanjinany, na tran̈onany zahan̈a, ino mety ho fivavahan̈anany na kolontsain̈inany?’
d. ‘Izioty ma fotoan̈a ten̈a mety tsarabe hikoran̈ana aminany?’
5. Mahaiza Mitandren̈y.
Aza be koran̈a.
Ataova raha hampikoran̈a izy. Izikoa hitanao mety, an̈ontania raha maromaro izy.