Karaha Mikoran̈a Andavanandra

Ino Raha Nataony Filipo?

VIDEO: Filipo Nitory Tamy Manampahifan̈a Etiopianin̈y

1. Zahava VIDEO, na vakia Asan’ny Apostoly 8:30, 31, baka io valia fan̈ontanian̈a aby ty:

1. Karakory nataony Filipo nanomboko koran̈a?

2. Nan̈ino atsika mivolan̈a fa karaha mikoran̈a andavanandra in̈y izy koa fa nanomboko koran̈a, avio nan̈ampy lelahy io hianatra fahamarin̈ana vaovao taminany?

Ino Raha Ianarantsika Baka amy Filipo?

2. Izikoa fampidiran̈a koran̈a ataontsika karaha mikoran̈a andavanandra in̈y, ho mora aminolo hitandren̈y atsika.

Aleva Tahaka Filipo

3. Mahaiza mandiniky. Mety hahaizantsika raha maro momba olo araiky bikabikanany avio soranany. Olo io ma von̈ono hikoran̈a aminao? Anao mety man̈apetraka fan̈ontanian̈a karaha ty hampidiran̈a koran̈a momba fahamarin̈ana baka amy Baiboly: “Asa mba hainao ...?” Olo araiky koa fa tsy von̈ono hikoran̈a, aza tiren̈y izy.

4. Manàn̈a faharetan̈a. Aza meky loatra hampiditry koran̈a momba Baiboly. Miambesa fotoan̈a mety tsarabe, amy zen̈y anao mahavita mikoran̈a karaha andavanandra. Ndraikindraiky, mety ho tsara izikoa amy man̈araka vo manohy koran̈a.

5. Mahaiza mampifan̈araka raha. Mety raha tsy niritriretinao foeky hikoran̈inolo aminao. Ke mitadiava raha mifan̈araka amy raha koran̈inolo io ndray izio tsy mifan̈araka aminy fahamarin̈ana baka amy Baiboly efa noman̈inao.