Man̈ampy Atsika Hanan̈a Herimpo Hira Momba Fanjakan̈a Io

Nan̈ano hira nideran̈a Zan̈ahary Paoly ndreky Silasy taminiro nigadra (As 16:25) Nan̈ano hira momba Fanjakan̈a io koa Vavolombelon̈o nalefa sesitany ta Siberia, ndreky iro nigadra tamy toby fitanan̈a Sachsenhausen tan̈y Allemagne Nazia. Hita baka amy zen̈y fa man̈ampy atsika hanan̈a herimpo iro hira aby io koa fa misy fitsapan̈a.

Tsy ho ela ho hisy amy volan̈a maro fihiran̈a vaovao ty: “Mihirà Amin’​ny Fo ho An’​i Jehovah.” Atsika koa fa mahazo izio, atsika mety mianatra hira io amy fotoampivavahan̈any fianakavian̈antsika, amy zen̈y ho azontsika onon̈o tononkira. (Ef 5:19) Lera misy fitsapan̈a amy zay, fan̈ahy masin̈y han̈ampy atsika hahatsiaro izio. Mahavy atsika hifantoko amy fan̈antinan̈antsika hira momba Fanjakan̈a io. Han̈ampy atsika hanan̈a herimpo izio, atsika koa fa miatriky fitsapan̈a. Lera misy raha mampavoravo atsika koa, tononkira mankahery aby io han̈ampy atsika ‘hihira ankaravoan̈a.’ (1Ta 15:16; Sl 33:​1-3) Irarian̈a atsika hazoto han̈ano hira momba Fanjakan̈a io!

ZAHAVA VIDEO HIRA ARAIKY NAN̈AMIA ANGOVO GADRA ABY IO, AVIO VALIA FAN̈ONTANIAN̈A ABY TY:

• Ino raha nahavy Rahalahy Frost namoron̈o hira araiky io?

• Nan̈ino nankahery iro rahalahy tamy toby fitanàny Nazia olo tao hira io?

• Mahavita mankahery anao amy raha manahiran̈a anao isanandra ma hira momba Fanjakan̈a io? Hazavà.

• Ino aminy hira momba Fanjakan̈a io tianao ho hay tsianjery?