Ino Fianaran̈a Azonao Baka Aminy Hira amy Tele JW?

Ino hira ten̈a tianao amy Tele JW? Ino itiavanao izio? Asa azonao onon̈o fa videontsika aby io man̈aboaka raha misy amy fiain̈anantsika andavanandra? Mikoran̈a raha isankarazany iro hira aby io. Isankarazany koa lamoziky atao amindro io. Ke olo jiaby samy mahazo hatsaran̈a baka aminy hira aby io. Ndray zen̈y, tsy raha hangalan̈a diandian̈a fo nan̈anovan̈a hira io.

Tsy maintsy misy fianaran̈a fo azontsika baka amindro hira aby io, mety arehantsika amy fiain̈ana ndreky fanompoan̈a. Misy amindro io mikoran̈a momba fandraisan̈a vahiny, firaisantsain̈y, naman̈a, korazy, fitiavan̈a ndreky finoan̈a. Misy koa mandrisiky olo himpody amy Jehovah, hamela heloko, tsy hivadiky isanandra, ndreky hanakatra tanjon̈o arapan̈ahy. Misy amindro io koa mikoran̈a akory hatao hahay handanjalanja izikoa fa mampiasa telefony. Ino koa fianaran̈a hafa azonao baka amindro hira aby io?

ALIFASA HIRA EFA AO AMBADIKA AO, BAKA IO APITRAHA AMY PAN̈ATRIKY FAN̈ONTANIAN̈A ABY TY:

• Ino aby hatsaran̈a saintsain̈iny matoelahy ndreky matoevavy in̈y? —Ge 12:3

• Ino han̈ampy atsika hatoky mare fa Jehovah mahavita man̈atanteraka fampan̈antinan̈anany?

• Azovy aby mety ho hitantsika tsy ho ela?

• Nan̈ino ma han̈ampy atsika hiatriky problemo fisaintsain̈ana raha hataony Fanjakan̈any Zan̈ahary?—Ro 8:25