FOMBA FIAIN̈ANA KRISTIANIN̈Y
Ataova Karaha Fizahavany Jehovah Anao Fizahavanao Ain̈inao
“Ravoravo Jehovah mahita vahoakanany.” (Sl 149:4) Atsika ndray tsy lavorary, mbala mahita toetry tsarantsika fo izy ndreky man̈anten̈a fa atsika mbala hahavita han̈ano raha tsara. Fa ndraikindraiky mety ho sarotro amintsika handanjalanja amy fomba fahitantsika ain̈intsika. Mety hahatsapa tsisy dikany baka atsika, baka amy fomba fitondrasanolo atsika. Na koa atsika mety hifantoko amy raha tsy mety nataontsika taloha tan̈y, ke mety hisalasala koa atsika tsao Jehovah tsy ten̈a tia atsika. Izikoa zen̈y raha tsapantsika, ino raha mety han̈ampy atsika?
Aza adin̈a fa Jehovah mahita raha tsy hitanolo. (1Sa 16:7) Dikanizen̈y, nata raha tsy hitantsika momba ain̈intsika tompiny, mbala hitany fo. Man̈ano mersy Jehovah atsika nan̈amia Baiboly, fotony izio man̈ampy atsika hahay fomba fahitany Jehovah atsika. Ho haintsika raha zen̈y izikoa atsika mamaky Baiboly ndreky mamaky tantaranolo ahitan̈a fa Jehovah ten̈a tia olo manompo izy.
ZAHAVA VIDEO FÔNAO RISIA LAHATRA MANOLOAN̈A JEHOVAH, AVIO TADIAVA VALINY FAN̈ONTANIAN̈A ABY TY:
Ino raha ianarantsika momba fahitany Jehovah atsika, amy fan̈oharan̈a momba tsaiky lelahy pilomoay ndreky papany in̈y?
Izikoa misy olo nan̈ano fahotan̈a maventy ke efa nan̈ano dingana jiaby hihavan̈ana amy Jehovah, akory hataony handresy lahatra fônany manoloan̈a Jehovah?—1Jn 3:19, 20
Ino hatsaran̈a nazony rahalahy io, izy koa fa namaky ndreky nisaintsain̈y tantarany Davida ndreky Josafata?