Akôry Hiaretan̈a Raha Tsy Rariny?

Vakia Genesisy 37:23-28; 39:17-23 hianaranao tantaran’i Josefa tamin’izy niaritry raha tsy rariny.

Diniha tsara volan̈a man̈odidin̈y. Ino nahavy Josefa navoa raha tsy rariny? (Gen. 37:3-11; 39:1, 6-10) Tan̈atin’ny firy taon̈o ma izy niaritry raha tsy rariny? (Gen. 37:2; 41:46) Tan̈atin’ny fotoan̈a jiaby zen̈y, ino raha nataon’i Jehovah taminany, fa ino ndraiky raha tsy nataon’i Jehovah?​—Gen. 39:2, 21; w23.01 17 § 13.

Ataova fikarohan̈a an-tsipiriany raha momba izio. Nata vadin’i Potifara nivolan̈a raha tsy marin̈y momba Josefa, Baiboly tsy mivolan̈a fa Josefa niaro ten̈a. Izikoa irô andininy aby ty zahan̈a, ino aby antony nahavy Josefa nifidy hangin̈y fo, aviô nan̈ino atsika tsy han̈anten̈a fa mahay raha jiaby momba izio? (Ohab. 20:2; Jaona 21:25; Asa. 21:37) Mety ho ino aby toetry nan̈ampy Josefa niaritry raha tsy rariny?​—Mika 7:7; Lioka 14:11; Jak. 1:2, 3.

Ino aby leson nianaranao? Man̈ontania ten̈a:

• ‘Ino raha tsy rariny mety hampoiziko havoa zaho, nohon’ny zaho mpianatran’i Jesosy?’ (Lioka 21:12, 16, 17; Heb. 10:33, 34)

• ‘Ino raha tôkony hataoko rango iziôty baka zaho hahavita hiaritry raha tsy rariny?’ (Sal. 62:7, 8; 105:17-19; w19.07 2-7)