Ampiasà Tsarabe irô Sary aby Io

Irô boky ndreky gazetintsika aby io feno sary mampianatra atsika leson maro maventy. Karakôry mety ampiasanao irô io baka anao hahazo hatsaran̈a tsarabe?

• Alohan’ny anao hamaky lahatsoratra araiky, zahava antsendriky sary aby ao. Handrisiky anao han̈iry hamaky lahatsoratra io irô io. Karaha anao mahita hanin̈y masiro in̈y, masonao antsendriky “man̈andran̈a” voanalohany. Ke man̈ontania ten̈a: ‘Ino raha hitako?’​—Amosa 7:7, 8.

• Anao koa fa mamaky lahatsoratra io, diniha nan̈ino sary io natao ao. Vakia fan̈azavan̈a na soratra miaraka aminany io, izikoa misy. Diniha ino ifandraisan’ny sary io amy foto-kevitry hazavain̈a io, ndreky karakôry mety han̈arehanao leson baka amizio.

• Izikoa fa voavakinao lahatsoratra io, ampodiana zahan̈a sary, han̈ampian̈a anao hangala onon̈o hevitry maventy. Baka iô iezaha alain̈a onon̈o sary aby io ndreky irô hevitry maventy ampianarindrô io.

• Nan̈ino izikoa mimpody zahavanao ndraiky irô sary jiaby amy gazety ty? Zahava asa azonao onon̈o leson nianaranao baka tamindrô io.