Nisy Tsiota Tapitrisa Olo Natiny COVID​—Ino ma Raha Koran̈iny Baiboly?

Izikoa tatitry nataony Fikambanana Iraisam-pirenena Momba ny Fahasalamana (OMS) zahan̈a, firaka tamy 23 May 2022 tio, efa 6,27 tapitrisa olo natiny COVID-19. Fa tamy vaovao niboaka tamy 5 May 2022 ndraiky, arakany vinavinany OMS, mbala maromaronizen̈y olo naty. Ke izikoa atao konty, tamy taon̈o 2020 firaka 2021 in̈y, “efa 14,9 tapitrisa olo natiny COVID, na mivantan̈a zen̈y na tsy mivantan̈a.” Fa ino ma raha koran̈iny Baiboly momba raha nandalo ten̈a mampalahelo io?

Baiboly efa nan̈ambara fa hisy valan̈aretin̈y hamono olo maro

•  Jesosy efa nivolan̈a fa hisy aretin̈y ndreky ‘valan̈aretin̈y mahafaty’, aminy “andra farany.”​—Lioka 21:11; 2 Timoty 3:1.

Tanteraka izioty raha nivolan̈iny Jesosy io. Izikoa tianao hahay raha maro momba zen̈y, vakia lahatsoratra ty: “Inona avy ny Famantarana ny ‘Andro Farany’?”

Mankahery raha koran̈iny Baiboly

•  “Zan̈ahariny fankahirezan̈a jiaby ... mankahery atsika amy fahorian̈a isankarazany mahazo atsika.”​—2 Korintianina 1:3, 4.

Nankahery olo maro naty havan̈a raha koran̈iny Baiboly. Zahava baka raha momba zen̈y, amy lahatsoratra aby ty: “Ahoana no Hiatrehana Azy? Inona no Azonao Atao Dieny Izao?” avio “Tena Manampy ny Baiboly.”

Ino vahaolan̈a maharitry koran̈iny Baiboly?

•  “Irarian̈a ho avy Fanjakan̈anao. Irarian̈a hatao ambony tany eto koa sitraponao, karaha andan̈itry an̈y.”​—Matio 6:10.

Efa tsy ho ela han̈ano raha Fanjakan̈any Zan̈ahary io, ke amy zen̈y ‘tsisy olo hivolan̈a: ‘Zaho zen̈y marary ay.”’ (Marka 1:14, 15; Isaia 33:24) Izikoa tianao hay raha momba Fanjakan̈any Zan̈ahary io ndreky raha handeha hataonizio, zahava video Karakory ma Fanjakan̈any Zan̈ahary Zen̈y?

Mandrisiky anao zahay hianatra Baiboly, amy zen̈y anao ndreky fianakavian̈anao hahita hatsaran̈a baka amy torohevitry feno fahendrena amizio ao ndreky raha maro mamparavoravo koran̈inizio momba ny amaray.