2022: Taon̈o Feno Raha Mampiasaloha​—Ino Raha Koran̈iny Baiboly Momba Zen̈y?

Tamy taon̈o 2022 ty, ady, fahasahiran̈ana arabola ndreky antambo isankarazany, zen̈y fo ankamarozany raha hita amy vaovao. Fa efa amy Baiboly zaraiky fo ten̈a man̈azava dikany mahavy raha aby zen̈y.

Dikany raha mandalo aby io

Raha mandalo tamy taon̈o tafarafara tato man̈aboaka tsarabe fa atsika ten̈a efa miain̈y aminy “andra farany” koran̈iny Baiboly. (2 Timoty 3:1) Izio nanomboko taminy 1914. Zahava fa iro raha nandalo vo tsy ela aby io mifan̈araka tsara amy raha efa nambarany Baiboly tsialohaloha fa hiboaka amy fotoan̈a iain̈antsika izioty.

“Ady.”​—Matio 24:6.

• a

“Mosary.”​—Matio 24:7.

• b

“Valan̈aretin̈y.”​—Lioka 21:11.

• Hita tsarabe fa valan̈aretin̈y aby io ten̈a mamono, sady olo koa nahay mora marary fo.”c

“Raha mampavozo.”​—Lioka 21:11.

• Ke maro mare raha robaka ndreky olo maty, baka io mandeha antapitrisany olo tsisy tran̈o hipitrahan̈a.”d

“Korontan̈a.”​—Lioka 21:9.

• Mampameloko iro baka fisiany problemo aratoekarena ndreky fanongany vidindraha.”e

Ino koa raha hiboaka amy taon̈o hoavy io?

Tsisy olo mahay raha hiboaka amy taon̈o 2023 io. Fa ny raha haintsika fo, efa hely tavela, Fanjakan̈any Zan̈ahary andan̈itry an̈y io han̈ova fiain̈ana ambony tany eto. (Daniela 2:44) Izio han̈adoso raha jiaby mahavy atsika olombelon̈o hijaly. Izio koa han̈ano raha hampatanteraka sitrapony Zan̈ahary ambony tany eto.​—Matio 6:9, 10.

Ke zahay mandrisiky anao han̈araka torohevitriny Jesosy “aza voly miambin̈y”, baka io aleva onon̈o fa man̈atanteraka faminanian̈a raha jiaby miboaka man̈erantany io. (Marka 13:37) Baiboly io afaka man̈ampy anao ndreky fianakavian̈anao rango izioty, sady afaka man̈amia fan̈antinan̈a anaro amaray an̈y. Mifandraisa aminay azafady, izikoa anao tihahazo fan̈ampiny fan̈azavan̈a momba zen̈y.