FIZARAN̈A 1

Karakory ma Atao Mitandren̈y Zan̈ahary Zen̈y?

Baka amy Baiboly Zan̈ahary mikoran̈a amitsika. 2 Timoty 3:16

Baka amy sezinany andan̈itry an̈y, Jehovah nampanoratra olo Baiboly

Zan̈ahary nan̈iraka lelahy maromaro nanoratra boky masin̈y araiky. Baiboly an̈arany. Maro raha tsara tiany Zan̈ahary ho hainao an̈aty ao.

Zan̈ahary mahay raha mahatsara atsika. Anao koa mitandren̈y izy, maro raha ho hainao, fotony izy farany misain̈y. —Ohabolana 1:5

Baiboly amy volan̈a isankarazany; lelahy araiky mamaky Baiboly amy volan̈anany

Olo jiaby ambony tany tiany Zan̈ahary hamaky Baiboly. Zen̈y nahavy izio nadika amy volan̈a maro.

Anao koa titandren̈y volan̈a Zan̈ahary, vakia, aleva onon̈o tsarabe Baiboly.

Olo jiaby ambony tany mety mitandren̈y izy aby. Matio 28:19

Vavolombelon̈o Jehovah araiky mamaky toko ndreky andininy amy lelahy araiky, ke iro baka io izy mampianatra Baiboly olo

Vavolombelon̈o Jehovah mahavita mampianatra anao Baiboly.

Iro mampianatra olo jiaby ambony tany, ny marin̈y mikasiky Zan̈ahary.

Fivorian̈a amy Tran̈o Fivorian̈any Vavolombelon̈o Jehovah

Tsy man̈efa mianatra izio. Tsara koa anao mba avy amy tran̈o fivavahany Vavolombelon̈o Jehovah na tany hafa ivoriandro. Iro mianatra Baiboly koa an̈y.