Fomba Tsara Mety An̈ampian̈a Olo Naty Havan̈a

TATOATO ZAY MARO MARE FIKAROHAN̈A NATAO BAKA HAN̈AMPIAN̈A OLO NATY HAVAN̈A. Kanefa karaha efa hitantsika taloha tiô in̈y, torohevitry ten̈a tsara, baka amy Baiboly. Hitantsika baka amy zen̈y fa tsy mety losombalan̈a taridalan̈a baka amy Baiboly. Tsy torohevitry fo raha hita amy Baiboly io ao. Ao koa ahitantsika fan̈azavan̈a tsy hitantsika na aia na aia, kanefa ten̈a mankahery olo naty havan̈a.

• Mahavy atsika matoky fa olo maty tsy mijaly

  Amy Mpitoriteny 9:5 mivolan̈a fa “olo maty tsisy raha hainy eky.” ‘Eritreritrinany foana.’ (Salamo 146:4) Mifan̈araka tsarabe amy zen̈y, olo maty ampitoviziny Baiboly aminolo mandry.​—Jaona 11:11.

• Mankahery atsika fahaizantsika fa Zan̈ahary be fitiavan̈a

  Baiboly mivolan̈a amy Salamo 34:15 ao fa “masony Jehovaha mitsinjo olo marin̈y, baka io sofin̈inany maharen̈y kaiky ataondro lera iro mila vonjy.” Ke izikoa koran̈intsika amy Jehovah amy vavaka raha tsapantsika, hampahivankivan̈a atsika zen̈y. Vavaka io koa man̈ampy atsika hanan̈a fifandraisan̈a marikitry amy Zan̈ahary, sady izy afaka mampiasa angovonany hankahirezan̈a atsika.

• Fiain̈ana ten̈a tsara aminy amaray

  Miniminia hely baka andra araiky an̈y hivilomin̈y ndraiky iro ampasan̈a an̈y ke hiain̈y ndraiky ambony tany eto! Matetiky Baiboly mikoran̈a fotoan̈a karaha zen̈y. Han̈ano karakory fiainan̈a amy zen̈y? Baiboly mikoran̈a fa Zan̈ahary ‘hamafa ranomaso jiaby amy masontsika, fahafatesan̈a tsy ho hisy eky, alahelo tsy ho hisy, tarain̈y tsy ho hisy, tehotehoko tsy ho hisy.’​—Apokalypsy 21:3, 4.

Maro olo mahavita miatriky fahorian̈a fotony iro mino Jehovah Zan̈ahary nan̈amia Baiboly io, avio iro man̈anten̈a fa olo maty mbala hivilomin̈y. Ohatra Ann, man̈angy maty vady. Efa 65 taon̈o vadian̈andro. Karaha ty ho izy: “Baiboly man̈amia toky zaho fa olo maty tsy mijaly, baka io Zan̈ahary mbala hamelon̈o olo maty an̈atiny fitadidian̈anany. Ataoko an̈aty jery fo zen̈y isaka zaho mahatsiaro vadiko, ke ten̈a nan̈ampy zaho hiatriky alahelonaka rahazen̈y!”

Karaha ty volan̈iny Tina, araiky avoakoran̈a taloha tan̈y in̈y: “Rango nifatesany Timoty, tsapako fa Zan̈ahary tiô fo nanohan̈a zaho. Tsapako koa fa izy nan̈ampy zaho fo zaho koa fa kivy. Zaho koa ten̈a matoky fampan̈antinan̈any Baiboly momba familoman̈a olo maty. Zen̈y man̈ampy zaho tsy halahelo be loatra, mandrapaviany fotoan̈a hahitako vadiko.”

Misy olo antapitrisany koa man̈eky fa azo atokisan̈a raha koran̈iny Baiboly. Izikoa anao mahatsapa fa raha volan̈iny Baiboly ao tsy ten̈a marin̈y na nofy fo, anao mila mandiniky ndreky mitady profo fa marin̈y torohevitry ndreky fampan̈antinan̈a koran̈iny ao. Ho hitanao fa Baiboly edy ny ten̈a afaka man̈ampy iro olo naty havan̈a.

RAHA AMPAN̈ANTINAINY BAIBOLY MOMBA OLO MATY

Zahava video mifandray amy zen̈y amy tranonkalanay, jw.org

MAN̈ANO KARAKORY MA OLO KOA FA MATY?

Man̈ano karakory ma atsika koa fa maty? Amy Baiboly ahitantsika valiny mazava tsarabe sady mankahery koa.

Zahava amy RAHA MISY ATO > VIDEO (Video Sokajy: Fivorian̈anay Ndreky Fanompoan̈anay > Ilain̈a amy Fanompoan̈a)

ASA ANAO TIA MITANDREN̈Y VAOVAO TSARA?

Maro mare vaovao ratsy amy zioty, ke aia tany ahitanao vaovao tsara? Video man̈araka ty mandrisiky anao hamaky bokikely Vaovao Tsara Baka amy Zan̈ahary!

Zahava amy RAHA MISY ATO > VIDEO