Olo Tihamparavoravo Jehovah Mahay Manapa-kevitry

Vakia Genesisy 25:29-34 baka ahitan̈a karakôry fanapahan-kevitry nataon’i Esao ndreky Jakoba.

Diniha tsara volan̈a man̈odidin̈y. Ino raha nandalo talohan’izio? (Gen. 25:20-28) Ino raha nandalo tafaran’izio?​—Gen. 27:1-46.

Ataova fikarohan̈a an-tsipiriany raha momba izio. Tamy fotoan̈a zen̈y, ino ma tombontsoa ndreky andraikitry nanan̈an’ny zanaka lelahy talan̈olo?​—Gen. 18:18, 19; w10 1/5 13.

• Izio ma mila zanaka lelahy talan̈olo fo, vo afaka ho razamben’i Mesia? (w17.12 14-15)

Diniha ino aby leson nianaranao aviô areva. Nan̈ino ma zo maha-talan̈olo io ten̈a valera tamy Jakoba, tozay tamin’i Esao? (Heb. 12:16, 17; w03 15/10 28-29) Ino raha tsapan’i Jehovah momba irô roe mirahalahy io, aviô nan̈ino? (Mal. 1:2, 3) Ino raha tôkony ho nataon’i Esao baka izy nahavita nan̈ano fanapahan-kevitry tsara?

• Man̈ontania ten̈a: ‘Akôry han̈aboahako fa zaho mankasitraka raha ara-pan̈ahy, amy raha fataoko isaka herin̈iandra, ohatra izikoa fa mandamin̈y fotoam-pivavahan̈an’ny fianakavian̈a?’