ZƐŊ-LƐƐI 34
Kwa Pɔri Kuwɛli-kɛ-maai Lɛi Leŋ Ziova Mɛni Ma?
Yaa lɛɣɛ a Ɣala e siɣe tãi ma I pɛlɛ la Ŋala-kɔlɔi maa-kɔrii? Ya pai nii ŋwɛlii I kanaŋ ilaoi-laai su kpanani a nyaa? A kɛ bere ɓe gaa la, gɔlɔŋ a gɛɛ Ziova a berei kaa I wɛli-kɛ-maai a ɓɔlɔi la mɛni mai, a pai I wɛlii a ŋanaa, e I mɛi kaa. Ya pɔri nɛi leŋ ma a gɛɛ ŋwɛli kaa ya?
1. Kwa pɔri nɛi leŋ Ziova ma a gɛɛ ŋwɛli kaa kua?
Kwa nɛ a gɛɛ Ziova wɛli kaa kua a kɛ kwa ŋoo mɛni. (1 Zɔŋ 5:3 lono.) Va kpala nuu ta la a gɛɛ e ŋoo mɛni. Kɛlɛ, a nɛɛ naa a gɛɛ ku kukpɔɔi mɛni-kpɛtɛɛ kɛ a kɛ kwa pai ŋoo mɛnii kpaa kufe pai ŋoo mɛnii. Le mɛni ma? Ziova a ŋwɛlii a gɛɛ ku ŋoo mɛni ‘e kula kulii su.’ (Lomaŋ 6:17) Zukulai ɓa, Ziova fe ŋwɛlii nɔ I ŋoo mɛni kpɛni fei maa nɛ̃ɛi I gɛ ti, kɛlɛ a ŋwɛlii I ŋoo mɛni kpɛni fei ŋwɛli kaa ya. Gɔlɔ-kpiniŋ 3 da 4 gɔlɔi ŋi sui kpɛtɛɛi a gɛɛ e kpɔŋ maa tɛɛ ipɔ I iwɛli-kɛ-maai lɛ Ziova ma a mɛni-ŋai kɛɛ nyii ŋwɛli kaa mai, I nyii-ŋai ve ŋwɛlini kpɔara.
2. Le mɛni ɓe a pɔri kɛi la a gbanaŋɔɔ a gɛɛ ku kuwɛli-kɛ-maai lɛ Ziova ma?
“Deniŋ ɓo-ɓelai damaa da pɔri mɔ̃lɛi.” (Ŋule-wooi 34:19) Ku kelee kwa tɛɛ mɛni kpanaŋ takpɛni-ŋa su kpɛni fei kumaa fe waa ni. Nyaŋ tãi ta, kapa mɛni a pɔri ŋɔnɔ kpanani kua, kpaa ku tɛɛ fili-mɛni da mɛni takpɛni-ŋa su. Kwa kɛ tɛɛi mɛni-kpɔlu-ŋa su, tãi ta a kɛ a gbanaŋɔɔ a gɛɛ ku Ziova nĩa-mɛni kɛ. Nyiŋi a kɛ kpɛni fei mɛni nyɔmɔɔ kɛi fe kpanani. Kɛlɛ ya sia a mɛni-ŋai Ziova aa mo ya a gɛɛ I gɛi, ya nɛ a gɛɛ ŋwɛli kaa ya e tɛɛ la sɛŋ kelee ta ma. Nyaŋ ya nɛ a gɛɛ ikaa bolu. Nyaa maŋ a pai kɛi ipolu. Ve pai wɔlɔ kulai ipolu.—Ŋule-wooi 4:3 lono.
MƐNI TAMAA MAA-KƆRI
Mɛnii kaa gɛ Ziova lii a nɛ̃ɛ ya ŋoo mɛni da mɛnii a pɔri kpɔnii ya a gɛɛ I nyiŋi kɛi.
3. Mɛni-ŋuŋ nyii bilaŋɔi yai
Zoo kɔlɔi su, ku maa-kɔri a gɛɛ Setɔŋ e lɛɛ pɛlɛ Zoo ma da diai kelee ŋwɛlii a gɛɛ di Ziova fɛli. Zoo 1:1, 6–2:10 lono, gɛ ni ka lono e pilaŋ mare-kɛɛ-ŋai ŋi dia:
Setɔŋ e mo a gɛɛ Zoo e kɛ Ziova fɛlii le mɛni ma?—Zoo 1:9-11 kaa.
Le ɓe Setɔŋ e mo e pilaŋ nuu-kpune kelee ma?—Zoo 2:4 kaa.
Zoo 27:5 lono, gɛ ni ka lono e pilaŋ mare-kɛɛ ŋi ma:
Zoo e nɛ leŋ a gɛɛ Ziova wɛli kpɔɔi e kɛ ma?
Zoo e ŋɔwɛli-kɛ-maai lɛ Ziova ma a berei e lɛɛ la a dɔɔ bolui
Kwa kuwɛli-kɛ-maai lɛ Ziova ma kwa lɛɛ a ku tɔɔ bolu
4. Gɛ Ziova lii e nɛ̃ɛ
Tare-woo-ŋa 27:11 lono, gɛ ni ka lono e pilaŋ mare-kɛɛ-ŋai ŋi dia:
Ziova lii a kɛ leŋ ya kɛ a I tareɛ, I ŋoo mɛni? Le mɛni ma?
5. Ya pɔri tɔɔi Ziova polu
Kuwɛli-kɛ-maai Ziova mɛni mai a kulii kula a gɛɛ ku lono nua pɔ e pilaŋ ma. A ŋɔnɔ kulii kula a gɛɛ ku nyiŋi kɛ a nɛɛ maŋ gɛ laa e kɛ a gbanaŋɔɔ. VILOI su kaa, gɛ ni ka lono e pilaŋ mare-kɛɛ-ŋai ŋi dia.
A taa wɔlɔ kɛ a gbanaŋɔɔ a gɛɛ I lono nua pɔ e pilaŋ Ziova ma?
Viloi su, le ɓe kpɔŋ maa tɛɛ Grayson pɔ a gɛɛ e yao yee mɛi ɣalei?
Va kɛ a gbanaŋɔɔ a gɛɛ ku tɔɔ Ziova polu a kɛ kwa mɛni-ŋai wɛli nyii ŋwɛli kaa mai, ku nyii-ŋai ŋwɛli fe mai kpɔara. Ŋule-wooi 97:10 (NWT) lono, gɛ ni ka lono e pilaŋ mare-kɛɛ-ŋai ŋi dia:
Yɛɛ berei yaa maa-kɔri lai, mɛni-ŋai ŋwɛli kaa Ziova mai taŋa ɓa le? Mɛni-ŋai ŋwɛli fe Ziova mai taŋa ɓa le?
Pere sii kɛɛ leŋ ɓe ya pɔri mɛni lɛlɛɛ wɛlii la, I mɛni nyɔmɔɔ kpɔara?
6. Kwa mɛni lɛlɛɛ sɔlɔ ɓo kwa Ziova woo mɛni
Nɛlɛɛi a gɛɛ ku Ziova woo mɛni a tãi kelee. Azaya 48:17, 18 lono, gɛ ni ka lono e pilaŋ mare-kɛɛ-ŋai ŋi dia:
I laai la Ziova e mɛni-ŋai kelee nɛlɛɛi kumɛni mai kɔlɔŋ? Le mɛni ma?
Mɛnii yaa maa-kɔri Ŋala-kɔlɔi su e pilaŋ dɔ̃ya Ɣalai Ziova mai aa kpɔŋ maa tɛɛ leŋ ipɔ?
NUU TA A PƆRI I MARE KƐI: “Berei ŋa tua lai a pɔri Ɣala lii nɛ̃ɛi?”
Ɣala-kɔlɔ-kpua kɛɛ leŋ ɓe ya pɔri tii kɛi la nyii a nɛ a gɛɛ mɛni-ŋai kwa gɛi a pɔri Ziova lii nɛ̃ɛi kpaa e nii too polu?
MƐNI-ŊUŊ-ŊAI YAA MAA-KƆRII
Kwa nɛ a gɛɛ Ziova wɛli kaa kua a kɛ kwa ŋoo mɛni, ku nĩa-mɛni kɛ a nɛɛ maŋ gɛi e kɛ a gbanaŋɔɔ.
Gili-too-ŋa mare-kɛɛ-ŋai
Le ɓe I maa-kɔri Zoo ŋɔmɛni-kɔɔŋ-maai su?
Ya pɔri iwɛli-kɛ-maai lɛi leŋ Ziova mɛni ma?
Le ɓe pai kpɔnii ya a gɛɛ I lɛɛ tɔɔi Ziova polu?
MƐNI TAKPƐNI-ŊA MAA-KƆRI
Berei kaa ya pɔri tɔɔi la Ziova polu da korai-toli-kpɔŋ.
Mɛni tamaa maa-kɔri e pilaŋ nɛɛ mɛni-ŋai dia Setɔŋ e bɛlɛ nuu-kpune mai.
“Zoo E Tɔɔ A Gbanaŋɔɔ Ziova Polu” (Le Ɓa Ŋala-kɔlɔi Ŋɔworɛ-wooi? gɔlɔ-kpiniŋ 6)
Berei kaa nuu-tɔɔ-ŋa kpiŋ da pɔri diwɛli-kɛ-maai lɛi la Ziova mai.
Nuu-tɔɔ a pɔri Ziova nĩa-mɛni kɛi leŋ a nɛɛ maŋ maraŋ-ŋa da kɛ ŋwɛlii a gɛɛ e mɛni nyɔmɔɔ kɛ?
Tɔɔ A Gbanaŋɔɔ Iɓaraŋ-ŋa Da Kɛ Ŋwɛlii I Mɛni Nyɔmɔɔ Kɛ! (3:59)