Tang 71 (163)

Wom’engin e Kan ni Thothup

(Galatia 5:​22, 23)

1. Wom’engin e kan nthothup rok Got

E thingar da maruweliyed,

Ni ngad n’ufed Got ma nge yog e

Yafos ni manemus ngodad.

Ngad daged u gubin e ngiyal’

E t’ufeg nib machalbog rok Got

Nguuda pired nib falfalan’,

Falfalan’ e ma gelnagdad.

2. Gapas rok Got e ra ayuwegdad

Nge fel’ thildad e yugu girdi’.

K’adan’ e ku ban’en nib ga’ fan,

Ya nge gum’an’dad ko girdi’.

Ngongol nib gol e bay angin riy!

Ra motoyil e girdi’ ngodad.

Ngongol nib fel’ e ma k’aringdad

Ngada wereged e machib.

3. Dabda rusgad ya ke michan’dad

Ya bay fan e yafos rodad.

Kub fel’ e ngongol nib sumunguy!

Ma chuweg e cham nge puwan’.

Kub t’uf ni ngan t’ar lanin’uy ni

Nge par Got nib falfalan’ ngodad.

Pi wom’engin ney ba adag Got,

Nge m’ug rodad gubin ngiyal’.