Yigi Yim’ Maria ko Natural Causes?

ROGON ni yog fare shimbung ko Vatican ni L’Osservatore Romano, ma fare machib ko Katolik ni Assumption e be gaar: “Fare Immaculate Virgin, e dariy e denen rok, ma kan fek downgin nge yaal rok nga tharmiy u nap’an ni ke m’ay e yafas rok u fayleng.” Re machib ney e ke n’igin ni nge yog boch e tamachib ko Katolik ni “de yim’ Maria ya kan fek nga tharmiy nib tomgin,” arrogon ni yog fare shimbung.a

Machane chiney ma ke yog John Paul II ni ir e Papa nu Roma ban’en nib thil. Nap’an e muulung ni General Audience u lan fare Vatican ko June 25, 1997, me gaar: “Fa Bin nib Biech e M’ag e der weliy u morngaagen rogon ni yim’ Maria. Ere be tamilangnag ni yigi yim’, ma dariy ban’en ni baga’ fan ni buch nib t’uf ni ngan nog. . . . Dariy rogon ni ngan nog ni gathi yigi yim’ ko natural causes.”

N’en ni yog Pope John Paul e be dag ni de puluw fare machib ko Immaculate Conception. Ya faanra “dariy e denen rok” chitingin Jesus me ere uw rogon nrayog ni nge yigi yim’ Maria ko “natural causes,” ni aram wenegan e denen ni yib rok Adam ni bochan ni ke denen? (Roma 5:12) Ba maathuk e re machib ney ni bochan e de puluw e n’en ni yog e Galesiya ko Katolik u morngaagen chitiningin Jesus. Aram fan ni ke ruw raba’ fare Galesiya ko Katolik ni bochan ma ke maathuk lanin’rad.

Be weliy e Bible ni Maria e be’ nib sobutan’, mab yul’yul’, mab pasig ko liyor, machane de yog ni aram felngin ni bochan e “immaculate conception.” (Luke 1:38; Acts 1:13, 14) Kari mus ni yog e Bible ni gaar: “Ke denen urngin e girdi’, kar pired ni yad mmal’af rok Got ke mul e flaab rok u pa’ rad.” (Roma 3:23) Arrogon, ke af e denen ngak Maria nge urngin e girdi’, ma dariy e mich riy ni gathi yigi yim’ ko natural causes.​—Mu taarebnag ko 1 John 1:8-10.

[Boch e Thin nra Tamilangnag Murung’agen]