LIBRARY U ONLINE ni fan ko Wulyang ko Damit
Wulyang ko Damit
LIBRARY U ONLINE
Waab
  • BIBLE
  • PI BABYOR
  • PI MUULUNG
  • w00 3/1 pp. 4-5
  • Ma N’igin Fare Moonyan’ Ni Nge Yib e M’ar Ngodad?

Dariy e video ko n'en ni kam mel'eg.

Wenig ngom, dabiyog ni nge load e re video ney.

  • Ma N’igin Fare Moonyan’ Ni Nge Yib e M’ar Ngodad?
  • Fare Wulyang Ntagil’ E Damit Ni Be Weliy Morngaagen Gil’ilungun Jehovah—2000
  • Pi Subheading
  • Boch Ban'en ni Ku Taareb Rogon Ngay
  • N’en ni Rin’ Satan
  • Mang e Ma Rin’ Satan?
  • Tapgin e Yugub Mit e M’ar
  • N’en nra Pithig e Magawon
  • Mang Fan ni Ma M’ar E Girdi’
    Fare Wulyang Ntagil’ E Damit Ni Be Weliy Morngaagen Gil’ilungun Jehovah—2000
  • Mu Ngongol u Rogon nib M’agan’ Got Ngay
    Mang e Ri Be Fil e Bible?
  • Ke N’uf Job Fithingan Jehovah
    Fare Wulyang Ntagil’ E Damit Ni Be Weliy Morngaagen Gil’ilungun Jehovah—2009
  • “Nge L’agan’um Ngak Jehovah”
    Fare Wulyang ko Damit Ni Be Weliy Morngaagen Gil’ilungun Jehovah—2022
Kum Guy Boch Ban'en
Fare Wulyang Ntagil’ E Damit Ni Be Weliy Morngaagen Gil’ilungun Jehovah—2000
w00 3/1 pp. 4-5

Ma N’igin Fare Moonyan’ Ni Nge Yib e M’ar Ngodad?

SUSUN RA PAR NDARIY E M’AR KO GIRDI’. I sunumiy Got e girdi’ ni ngar pared ndariy n’umngin nap’an nib fel’ fithik’ i dowrad. Ma reb e kan ni Satan e ir e ke n’igin nge yib e m’ar nge amith nge yam’ ko girdi’ ya ke wawliy e gal som’on e gallabthir rodad ngar denengow.​—GENESIS 3:1-5, 17-19; ROMA 5:12.

ERE pi kan nib kireb e ma k’aring e m’ar ko girdi’? Rogon ni kan weliy ko fa binem e article ma aram rogon ni ma lemnag boor e girdi’. Aram rogon ni lemnag e titaw rok fachi Owmadji. Machane fare m’ar ni yib ngak Owmadji ni yanyan kengin​—ni boor e bitir ko gin’em e kar m’ad riy—​e rriyul’ ni ke n’igin e pi kan nib kireb fa?

N’en ni Rin’ Satan

Be pi’ e Bible e fulweg ko re deer nem ni rib tamilang. Ya som’on ma ma dag ni yaal ko girdi’ rodad ni kar m’ad e dabiyog ni ngar rin’ed ban’en ngak e piin nib fas. Ya nap’an ni ra yim’ e girdi’ ma “dariy e chi n’en ni yad manang.” Dariy e yaal rorad ni ma magay nib fas u tomren ni ke yim’ be’. Ya yad be mol u lan e low ko yam’, ni aram e gin’en ni “dariy e maruwel, ma dariy e ngongol, ma dariy e tamilangan’, ma dariy e gonop riy.” (Eklesiastes 9:5, 10) Ri dabiyog ko piin ni kar m’ad ni ngar n’igined nge m’ar e girdi’!

Machane be tamilangnag e Bible ni rriyul’ ni bay e pi kan nib kireb. Fa bin som’on e tatogopuluw u palpal th’ib e reb e kan ni kan tunguy fithingan ni Satan. Ma yugu boch e kan e kar uned ngak min pining pi moonyan’ ngorad. Rayog rok Satan nge pi moonyan’ rok ni ngar k’aringed e m’ar ko girdi’? Ke buch ni aram rogon. Boch e maang’ang ni fl’eg Jesus e ke tuluf e pi moonyan’. (Luke 9:37-43; 13:10-16) Machane boor e m’ar ni ke golnag Jesus ni de sum ko pi moonyan’. (Matthew 12:15; 14:14; 19:2) Ku aram rogon e ngiyal’ ney ma gathi ma yib e m’ar ko girdi’ ni bochan e pi kan nib kireb.

Mang e Ma Rin’ Satan?

Kari mus rogon nib peth Satan ko m’ar ko girdi’ e bochan ni ke wawliy e gal nsom’on e girdi’, mar denengow. Ir nge pi moonyan’ rok e gathi yad tapgin urngin e m’ar. Machane, ma guy Satan rogon ni nge suwey lanin’dad ngad rin’ed boch ban’en nde gonop ma ngad n’aged e michan’ rodad, ma aram e rayog ni nge kirebnag fithik’ i dowdad. De pig ngak Efa nge Adam ma de li’row ngar m’ow, ma de pi’ e m’ar ngorow. Ya ke k’aring Efa ni nge dabi fol rok Got, ma aram me lek Adam kanawoen e dan fol. Ma wenegan ni yib riy e m’ar nge yam’.​—Roma 5:19.

Titaw ku Owmadji e ke guy rogon ni nge fanay Hawa e amulets nge fetishes ni aram e pi n’en nib l’ag ko pig, ni fan ni nge ayuweg e bitir rok ndabi yib e m’ar ngak. Ma mang e ra buch nfaanra ke fol Hawa ko re n’em? Ra dag ni de pagan’ ngak Jehovah Got, ma dabkiyog ni nge par nib pagan’ ni ra ayuweg.​—Exodus 20:5; Matthew 4:10; 1 Korinth 10:21.

Rayog ni ngad awgad ko wup nfaanra gad ra lemnag ni pi kan nib kireb e be n’igin urngin e m’ar ni ma yib ngodad. Ya ra k’aring ni ngan rus ko pi kan. Ma nap’an ni gad ra m’ar ma sana ran wawliydad ngad felan’nag e pi moonyan’ ma gathi gad par nib palog rorad. Faanra rayog ni nge k’aring Satan ni ngad rusgad ma ngad rin’ed boch ban’en nib l’ag ko pig, ma aram e kad pied keru’dad ngak Jehovah ni bin riyul’ e Got. (2 Korinth 6:15) Susun ni ngad pared ni bay madgun Got u wan’dad ma aram e n’en ni be pow’iydad, ma gathi gad par nib rus ko Tatogopuluw rok.​—Revelation 14:7.

Tapgin e Yugub Mit e M’ar

Boor e girdi’ ni de mich u wan’rad ni bay e pi kan. Nap’an ni yad ma m’ar, ma yad ma yan ra guyed e togta​—faanra rayog ni ngar pied puluwon. Ma rayog ni nge yan i aw ni ke yan be’ nib m’ar me guy e togta machane de gol. Ya dabiyog ko pi togta ni ngar ngongliyed e maang’ang. Machane boor e girdi’ nib machmach e rayog ni ngar golgad ko m’ar rorad machane kar sagaalgad ni nga ranod ko togta ma aram e dabkiyog ni ngan ayuwegrad. Ya som’on mar uned ko pig, ma nap’an ni de yib angin ngorad mi yad yan ko togta. Boor e girdi’ ni kar m’ad ni aram rogon.

Ma yugu boch e girdi’ e ma yim’ ni bochan e dar nanged ban’en. Ya dar nanged e pi n’en ni pow ko m’ar rorad ma dar nanged ko mang e ngar rin’ed nge siy i yib e m’ar ngorad. Tamilangan’ e ma ayuwegey ni nge siy i gafgow e girdi’. Bay e mich riy ni pi matin nib ta skul e buch uw e bitir rorad ni kar m’ad ni bochan e m’ar ko pi matin ni dar nanged e yol. Arrogon, rayog ni nge yim’ e girdi’ ni bochan e dariy e llowan’.

Ngongol ni dariy e ayuw riy e ku aram ban’en ni ma n’igin e m’ar. Susun, boor e girdi’ e ma m’ar ni bochan e yad ma pag e pi gamanman ni insect ni nga ranod nga daken e ggan rorad u m’on ni ngar ked fa piin ni be fl’eg rogon e ggan e dar lukniged pa’rad u m’on riy. Briyul’ fare thin ni be gaar: “an ounce of prevention is worth a pound of cure,” ara faanra ngam mu rin’ buch uw ban’en ni nge siy i yib e m’ar ngom, ma kab fel’ ko tafalay ni boor ni ngan rin’ ku be’ nib m’ar.

Par ndariy e gonop riy e ke n’igin nge m’ar bokum milyon e girdi’ mar m’ad. Chingaw, nge ngongol ndarngal, nge drug, nge tamaggow, e ke kirebnag fithik’ i dow boor e girdi’. Faanra fanay be’ e pi n’en ney nib kireb ma ma m’ar riy ni bochan ni ke pig be’ ngak fa ke yib moonyan’ ngak fa? Danga’. Ke m’ar ni bochan e kireb rok. Faanra ngan nog ni pi moonyan’ e kar n’igined e m’ar ku be’ ma aram e bochan ni dabun ni nge yog nib mil fan e m’ar rok ngak ni bochan e par rok.

N’en nra Pithig e Magawon

Gathi Got tapgin e m’ar. “Dariy ban’en nib kireb nrayog rok ni nge yan ni guy rogon nge waliy Got nge denen, mi Got e der rin’ ngak be’.” (James 1:13) Arrogon, Got e ba wurengan. Ba adag ni nge ayuwegdad, ma gathi nge kirebnagdad.

Ma riyul’ ni ra ayuweg Jehovah e girdi’ ko m’ar​—u daken e yam’ nge fas ko yam’ ni tay Jesus. U daken e biyul’ ni pi’ Jesus nib maligach, ma kan pi’ puluwon e denen ko piin nib mat’aw ma ba ngiyal’ nga m’on ma rayog e yafos ni manemus ngorad nge fel’ fithik’ i dowrad mara pared u paradis u fayleng. (Matthew 5:5; John 3:16) Pi maang’ang ni ngongliy Jesus e be micheg rogon nra golnag Gil’ilungun Got e girdi’. Maku ra chuweg Got Satan nge pi moonyan’ rok. (Roma 16:20) Rriyul’, bay boch ban’en nib fel’ ni ke finey Jehovah ni fan ko piin ni ke michan’rad ngak. Machane ba t’uf ni nge k’adan’dad ma ngad gum’an’gad.

Ma chiney e be pi’ Got e gonop ngodad ma be pow’iydad u daken e Bible nge pi walag u ga’ngin e fayleng ni yad be pigpig ngak. Ma dag ngodad ko uw rogon nrayog ni ngad siyeged e pi n’en nib kireb ni ma k’aring e m’ar. Ma ma pi’ ngodad e tin riyul’ e fager ni ra ayuwegdad u nap’an ni ma sum e magawon.

Ma mang e ke buch ngak Owmadji? Ke yib ngan’ e chitingin fare thin ni bay ko fare babyor ni Awake! ni aram e babyor nib peth ko fare Wulyang Ntagil’ e Damit, ma kan weliy e thin u murung’agen e oral rehydration therapy ara falay ni ngan sulweg e ran nga fithik’ i dowey.a Ke fol ko pi thin riy ma ke fl’eg rogon fare falay ni nge unum Owmadji. Ma chiney e ke sul fachi buliyel nga rogon me fel’ rogon ko m’ar.

[Footnote]

a Mu guy fare Awake! ko September 22, 1985, ko page 24-5, “A Salty Drink That Saves Lives!”

    Yapese Publications (1984-2025)
    Mu Log Out
    Mu Log In
    • Waab
    • Mu Sharenag
    • Pi N'en Nrayog ni Ngam Mel'eg
    • Copyright © 2025 Watch Tower Bible and Tract Society of Pennsylvania
    • Rogon ni Ngan Fanay
    • Privacy Policy
    • Privacy Settings
    • JW.ORG
    • Mu Log In
    Mu Sharenag