Pagan’ u Fithik’ e Magawon

NEWS ko tiney e rran e rib mo’maw’ e pagan’ riy. Be’ e yoloy ni gaar: “Pi n’en ni be buch e chiney e rib gel e kireban’ riy bay i n’en ma baga’ ni dakud nanged ko ku rayog ni ngad guyed e news ko nel’ e klok fa danga’.” Ke upunguy e mahl e fayleng nge ngongol ndariy e runguy riy, nge gafgow, nge cham, nge m’ar​—ngongol nib kireb e dabki n’uw nap’an me aw ngodad ni faanra goma nga dawori buch ni aram rogon.

Fare Bible e rib puluw ni ke weliy ko som’mon e pi n’eney e ra buch e ngiyal’ ney. Rogon ni weliy Jesus e ngiyal’ ney ni gad bay riy, e yog Jesus ni ra yib e mahl nib ga’, nge m’ar nib machreg ni ma af, nge uyungol, nge durru’. (Luke 21:10, 11) Ku ba dake aram rogon, e n’en ni yoloy apostal Paul murung’agen ni “ri bay mo’maw’ e par,” ko ngiyal’ ni kari kireb e girdi’, ma kar chogowgad ni salpiy, ma daki t’uf e tin nib fel’ rorad. I yog ere ngiyal’ i n’en nem ni “tin tomuren e rran.”​—2 Timothy 3:1-5.

Arfan, ni yira weliy rogon n’en ke rin’ e fayleng, ma fare news e bay boch riy nib chugur rogon ko n’en ni ke m’ay i yog ko Bible. Machane kemus e n’en ni ba chuchugur rogon ni yow be yog e rogon e gafgow u fayleng. Fare Bible e bay reb e n’en ni be dag ni de rin’ e news. U daken e Thin rok Got ni kan thagthagnag, e rayog ni ngad nanged fan ni ke yoor i yoor e kireb ni gathi kemus ni ngan nang fan ni ke yoor e kireb ya ku arrogon ni yira nang ko mang e ra buch gabul nge langleth.

Rogon ni Be Sap Got ko Kireb

Fare Bible e be weliy rogon ni be sap Got nga rogon e pi n’en ni yibe mochuch ngay ko tirodad e rran. Yugu aram rogon ni ka e guy e magawon ko ngiyal’ ney, ma de fel’ u wan’ maku dabi pag nge par ni dariy n’umngin nap’an. “Got e t’ufeg,” ara rogon ni yoloy apostal John. (1 John 4:8) Jehovah e rib gel ni ma ayuweg e girdi’ ma ba fanenikan urngin e tin kireb. Rib puluw ni ngad chel gad ku Got ni fan ko pagan’ rodad, ni bochan nib manigil ma ba tarunguyey ma ba’ gelngin nge lem rok ni nge chuweg e kireb u fayleng. Fare psalmist e yoloy ni gaar: “[Pilung rok Got nu tharmiy ni ke dugliy] e ir e bayi chuweg e gafgow ko piin ni gafgow ni yad be yornag e ayuw, ku arrogon e piin ni kar m’ad ko amith nge demtrug be’ ni be ayuweg. Ra kireban’ ko piin ni yad ba sobut nge piin ni gafgow, pogofan ko piin ni gafgow e ku ra ayuweg. Ra chuweg e yafas rorad u fithik’ e ngongol ni kireb, nge ngongol u fithik’ e yargel, ma racha’rad e rib ga’ fan u pe’ owchen.”​—Psalm 72:12-14, New World Translation.

Ma kireban’um ngak e piin yad be gafgow? Sana ga ma rin. Kireban’uy ku be’ e reb e felngin ni ta’ Jehovah nga fithik’dad, ya ni sunmiydad ni bod yaan. (Genesis 1:26, 27) Arfan, ni rayog ni nge mich u wan’dad, ni Jehovah e da gathi der thamiy e gafgow ko girdi’. Jesus, ni rimnang murung’agen Jehovah nib fel’ rogon ngak gubin e girdi’, e i fil ni Jehovah e ri ma lemnagdad ma ba sug ko runguy.​—Matthew 10:29, 31.

Pi n’en ni ke sunmiy e ir e ke micheg ni ri ma lemnag Got e girdi’. I yog Jesus ni gaar, Got “e ke fal’eg e yal’ rok be mat nga daken e girdi’ ni kireb nge tin nib fel’ ma be awnag e n’uw nga daken e girdi’ nib mat’aw nge piin ni de mat’aw.” (Matthew 5:45, NW) Girdi’ ko mach nu Lystra, e non apostal Paul ngorad ni gaar: “[Got] e de pag ni dariy e mich rok ni aram e i rin’ e tin nib fel’, ni be pi’ e n’uw ngomed u tharmiy nge galwog u ngal’an ni ma yib ni boor, nge suguy gum’irchamed nge sug ko ggan nge falfalan’.”​—Acts 14:17, NW.

Mini’ e En Ma K’aring e Kireb?

Kub ga’ fan ni ngan nang ni ki yog Paul ko girdi’ nu Lystra ni gaar: “Fa tin ke yan e mfen e pag [Got] urngin e nam nga ur rin’ed e tin ni yad baadag.” Arfan, ni pi nam​—ara girdi’ e yad rorad—​e baga’ ni yad e ur k’aringed oren e pi magawon ney nge pi n’en nib kireb ni ir e kar pirieged ni yad bay u fithik’. Ere kireb riy e dariy u daken Got.​—Acts 14:16, NW.

Mang fan ni ke pag Got e kireb be buch? Ku ra rin’ ban’en ngay fa danga’? Fulweg ko pi deer ney e kemus ni yi goo Thin rok Got e yira pirieg riy. Ni aram e bochan ni fulweg riy e ba l’eg ngak be’ ni ku reb e kan nge ku ban’en nni weliy ni ir e weliy u lan fa binem e giyow ko kan.

[Pictures on page 4]

Girdi’ e ma kireban’rad ngorad. Ere Got e ba achig rogon ni ma thamiy e gafgow ko girdi’?

[Picture Credit Lines on page 2]

COVER: Tank: UN PHOTO 158181/J. Isaac; earthquake: San Hong R-C Picture Company

[Picture Credit Lines on page 3]

Upper left, Croatia: UN PHOTO 159208/S. Whitehouse; starving child: UN PHOTO 146150 BY O. MONSEN