Machib Nde Riyul’​—4: Got e Trinitas

Uw e sum e re machib ney riy? “Rayog ni nga nog ni fare machib ko Trinitas e sum u bang u tungun e bin aningeg e chibog. Maku rayog ni nga nog nriyul’ nde mudugil e re machib ney ni ‘dalip ni’ u lan taareb e Got’, maku dan fek ngan uneg nga fithik’ e  machib ko Kristiano u m’on ko tungun e bin aningeg e chibog.​—New Catholic Encyclopedia (1967), Volume 14, page 299.

“I mada’ fare Ulung nu Nicaea ko May 20, ko duw ni 325, ma Constantine e ir e i non u nap’an e re muulung nem. Ma aram me yog murung’agen e tha’ u thilin Kristus ni bay rogon ko machib ni ‘trinitas’ ni kan weliy u lan fare muulung. Bochan ni be rus fapi bishof ngak fare pilung ma aram mar sign gad ko fa gi babyor ni yugu aram rogon nde m’agan’rad ngay. Ma kemus ni l’agruw i yad e de sign ko gi babyor nem.”​—Encyclopædia Britannica (1970), Volume 6, page 386.

Mang e be yog e Bible? “Machane i Stephen nib sug ko [“gelngin Got nib thothup,” NW] e sap nga lang me guy e flaab rok Got, nge Jesus nib sak’iy u ba’ ni mat’aw rok Got. Me gaar, ‘Mu sapgad! Kug guy e tharmiy ni ke mab ma kug guy faanem ni Fak e Girdi’ nib sak’iy u ba’ ni mat’aw rok Got!’”​—Acts 7:55, 56.

Mang e be dag e re n’ey? I sug gelngin Got ngak Stephen me guy Jesus nib “sak’iy u ba’ ni mat’aw rok Got.” Ere ba tamilang nde mang Jesus Got u tomuren nni faseg ko yam’ nge sul nga tharmiy. Maku de yog ni ku bay be’ u tooben Got. Yugu aram rogon ni kar gayed boch e thin nu Bible ni nge micheg nriyul’ fare machib ni Trinitas, machane i yog reb e padrey ni Marie-Émile Boismard fithingan u lan ba ke babyor ni yoloy ni gaar: “Fare machib ni dalip ni’ u lan taareb e Got . . . e dabin pirieg u lan e Bin nib Beech e M’ag u Bible.”​—À l’aube du christianisme—​La naissance des dogmes (Ngiyal’ ni Sum e Kristiano​—Nge Machib Riy).

Fare machib ni i wereg Constantine e ni lemnag nra taleg e maluagthin ni sum u lan e Galesiya ko bin aningeg e chibog. Machane re n’ey e ke sum fare deer riy ni gaar: Maria ni gargelnag Jesus, e ir e “chitiningin Got,” fa?

Kum guy e pi thin nu Bible ni baaray: Matthew 26:39; John 14:28; 1 Korinth 15:27, 28; Kolose 1:15, 16

BIN RIYUL’ E:

Fare Machib ni Trinitas e fini sum u bang u tungun e bin aningeg e chibog

[Picture on page 7]

[Picture Credit Line on page 7]

Museo Bardini, Florence