Ngan Tababnag e Bible Study ko Fare Brochure ni Mang e Ba T’uf
1 Fare brochure ni Mang e Ba T’uf ni Ngad Rin’ed ku Got? e ba talin e maruwel nib fel’ nra fil e tin riyul’ ngak e girdi’. Yibe tababnag bokum i biyu’ e Bible study u gubin e wik ko re bochure ney. Ke yib angin ngom ni ngam tababnag e Bible study ko fare brochure ni Mang e Ba T’uf fa?
2 Ba ga’ ni ba mom ni nge wereg e girdi’ fare brochure ngak e girdi’, machane magawon rok boch i yad ya dar nanged e thin ni nga rogned ngar tababnaged e Bible study. Mang boch e kanawo’ ni ke tay e girdi’ ni ke yib angin ngorad ngar tababnaged e Bible study ko fare brochure ni Mang e Ba T’uf? Ba aray boch e thin nrayog ni nge ayuwegem.
3 Mog ni Ga Ra Dag Rogon ni Yima Fol Bible: Nap’an e ngiyal’ ni ngam machibnag be’ ko yay ni som’on ara ngiyal’ ni ngam sul ngak, gathi ke mus ni ga ra fith ni faanra ba adag ni nge fil e Bible, ya ku rayog ni ngam dag rogon ni fol Bible. Aray rogon ma dabi gin e girdi’ ko ngiyal’ ni ngar rung’aged e thin ni “fol” Bible. Faan gad ra fl’eg rogodad ngad nanged rogon ni ngad daged rogon e fol Bible, ma gad ma nang e thin ni nga dogned, ma aram ma ra mom ni ngad tababnaged e fol Bible.
4 Ba Ga’ Fan ni Ngan Fl’eg Rogoy: Pasig rodad ni ngad tababnaged e Bible study e ba m’ag nga rogon ni ke fl’eg rogodad. Faan gad ra fl’eg rogodad ma ra ayuwegdad e nge dab kud rusgad ngad uned ko fare maruwel ni ngan fil e Bible ngak e girdi’. Faan gad ra practicenag e machib rodad ni in yay, ma ra aw ni bod e sabethin, ma rayog ni ngad weliyed e thin nib fel’ rogon ko thin rodad. Gathi ke mus nra ayuwegdad ndab kud rusgad machane ku ra ayuweg e girdi’ ni ngar pired nib fel’ lanin’rad.
5 Nap’an e ngiyal’ ni ngam practicenag e machib, ba fel’ ni ngam tayimnag e machib ya aram rogon nrayog ni nga mog ngak e girdi’ ko uw n’umngin nap’an ni ga ra tay ngam dag rogon e fol Bible ngorad. Tomren ni ke yog reb e walag fithingan me gaar: “Kug tal e ngaray ni fan e nggu dag rogon ni yima fil Bible ndariy puluwon. Goo lal e minit e ba l’ag ngay. Bay lal e minit rom fa?” Rayog ni ngam dag rogon e fol Bible ko guruy 1 ko fare brochure ni Mang e Ba T’uf ko lal e minit. Dabi siy ni goo boch e thin nu Bible ni rayog ni ngam beeg ko lal e minit, machane faan ga ra fil e bin som’on e guruy ko in e minit, ma ra yog ngak e girdi’ e bin som’on e fol Bible. Nge mu’ ma ga yog ngak ni yay ni migid ni ngam sul ma goo 15 minit e ba l’ag ngay ko Guruy 2.
6 Ke yib angin ko pi thin ni ba aray:
◼ “Gu ba adag ni nggu dag ngom rogon ni yima fol Bible u tabinaw nib mom mab puluw ko re brochure ney ni Mang e Ba T’uf ni Ngad Rin’ed ku Got? Boor e girdi’ e kar ognaged 15 minit u gubin e wik ko 16 wik, me tamilang e fulweg nu Bible ko pi deer ni ba ga’ fan u wan’rad.” Nga mu dag Rogon ni Fanay e Chi Ke Babyor Ney ngak. Mu pithig e babyor ko Guruy 1, ma ga yog; “Faan rayog ni ngam ognag lal e minit ngay, ma gamow ba adag ni nggu dagew ngom rogon ni yima fil Bible. Kenggin ko Guruy ni 1 e “Ra Diin Ma Ga Nang e Tin ni Ba T’uf ni Ngad Rin’ed.’” Nge mu’ ma ga beeg fa dalip i deer, ma ga weliy e namba ni bay u lan e parentheses. Nga mu beeg paragraph 1, ma ga dag ngak e girdi’ rogon ni nge pirieg e fulweg. Rayog ni nga mog ngak e girdi’ ni ngar beeged paragraph 2. Ma ga yog ni ngam gaar: “Uw rogon ni ngam fulweg e re deer ney ko thin ni kam beeg? [Nga mu beeg e deer biyay, ma ga pag ni nge pi’ e fulweg.] Ga ra guy ni bay boch e thin nu Bible ni bay u lan ra reb e paragraph. Pi thin nu Bible nem e ra tamilangnag e fulweg nu Bible ko pi deer nem. Susun, ngad beegew 2 Timothy 3:16, 17 ma ngad guyew ni faanra ba puluw ko fulweg ni kam pi’ ko thin rok mini’ e bay u Bible.” Tomren ni kam beeg paragraph 3, ma kam fith e deer, ma kam beeg John 17:3, mu tamilangnag e tamilangan’ ni ke yog ngak ni bochan e ke fil Guruy ni 1. Chi ngiyal’ nem ma rayog ni ngam man ko Guruy 2 ma ga beeg e bin tomur e deer ni, “Mang l’agruw e kanawo’ ni rayog ni ngad filed murung’agen Got riy?” Ma ga fith: “Wuin e bay 15 minit rom ni fan e ngad filew Guruy ni 2 ma nge tamilang e fulweg u wan’um?”
7 Ba ga’ fan ni dab mu weliy e thin ni boor ma ga pining e sorok ngak facha’ ko ngiyal’ ni ba puluw. Nap’an e ngiyal’ ni ngam fl’eg rogon ni ngam sul biyay, dab mu fith ko ba adag ni nge fil yugu boch e thin, ya mu pi’ e athamgil nga laniyan’ ni nge ul’ul ko bin migid e guruy. Mu tamilangnag ni ga ba adag ni ngam sul biyay. Boch e publisher e kar weliyed nrayog ni ngar filed e bin migid e guruy ko telephone ni faanra mo’maw’ ni ngan dugliy e schedule ko fol Bible. Ku rayog ni nga mog ngak facha’ ni nge tay e brochure nga ba yang ni dab ni kirebnag mab mom ni nge fek ko bin migid yay ni ngam mub.
8 Ngan Par nib Mudugilan’uy: Yugu aram rogon ni ngan fl’eg rogoy e aram rogon ni nge yib angin ngodad, machane ku thingar da pired ni ke mudugilan’dad ngay ni ngad sulod biyay. Ra ngam fil reb e guruy ko in e minit e ba mo’maw’, ere mu practicenag ni boor yay nrayog rom ni fan e ngam dag e fol Bible nrogon. Mu guy rogon ni ngam dag rogon e fol Bible ngak ra reb e girdi’ ni ngam mada’nag u mit e tabinaw, ara u fithik’ e sabethin, nge machib ko telephone. Faanra mo’maw’ ni ngam tababnag e fol Bible, dabi mulan’um. Ra nge yib angin ni ngam tababnag e fol Bible ma ba t’uf ni ngam par ni ke mudugilan’um ma ga par nib yul’yul’ u gum’erchaem ni ga baadag ni ngam fil e tin riyul’ ngak yugu girdi’.—Gal. 6:9.
9 Faan ga ra rin’ e pi n’en ney ni ngam tababnag i fil e Bible ngak e girdi’ ko fare brochure ni Mang e Ba T’uf, ma ra yog ngom ni ngam ayuweg be’ ni nge un ko kanawo’ ni be yan’ ko yafos.—Matt. 7:14.