Uw Rogon ni Ngan Tababnag e Fol Bible ko Fare Babyor ni Mang e Ri Be Fil e Bible

Boor i gadad e ra adag ni nge fil e Bible ngak be’ ni faanra manang rogon ni nge tababnag. Fare babyor ni Mang e Ri Be Fil e Bible e rayog ni nga ayuwegdad. Fapi thin ni bay ko page 3-7 e rayog ni ngad fanayed u nap’an ni gad be machibnag e girdi’. Mus ko piin ni gathi ri yad ba salap ko machib e ra mom ngorad ni ngar tababgad i fil e Bible ngak be’ ni faan yad ra fanay e pi thin ney.

◼ Rayog ni ngam fanay e thin ko page 3:

Tomuren ni kam weliy murung’agen ban’en ko news ara reb e magawon ni be lemnag e girdi’ ko gin ni ga be machib riy, ma ga dag fapi deer ni bay ko page 3 ngak faen ni gimew be non, ngemu’ mag yog ngak ni nga weliy rogon e tafinay rok riy, mag pithig ko page 4-5.

◼ Maku rayog ni ngam tamilangnag e thin ni bay ko page 4-5:

Rayog ni ngam gaar, “Uw rogon u wan’um, ga be lemnag ma ra riyul’ e n’en ni bay u lan e pi sasing ney?” Maku rayog ni ngam gaar, “Bin ngan ko pi n’ey e ga baadag ni ngam guy ni ke lebug?” Mag motoyil ko n’en nra yog.

Faanra kam guy ni bay reb fapi thin nu Bible ni ke pug e tafinay rok facha’ ni gimew be non, ma ga dag reb e paragraph ngak u lan fare babyor ni be tamilangnag e n’en ni be yog e Bible u murung’agen e re nem. (Mu guy e kahol ni bay ko gi babyor ney.) Mu tamilangnag e thin riy ngak ni bod rogon ni ga be fil e Bible ngak be’. Rayog ni ngam rin’ e re ney u lan 5 i yan ko 10 e minit ko yay ni som’on ni kam mada’nag be’.

◼ Ku reb e kanawo’ e nga mog ngak facha’ ni nge weliy laniyan’ ni ga be fanay fapi thin ni bay ko page 6:

Mu dag fapi deer ngak ni bay ko re page nem, mag gaar ngak, “Ka am lemnag reb e pi deer ney ba ngiyal’?” Faanra bay reb fapi deer ni baadag ni nge nang e fulweg riy, ma ga dag reb e paragraph u lan fare babyor ngak ni bay e fulweg ko fare deer riy. (Mu guy e kahol ni bay ko gi babyor ney.) Nap’an ni gimew be weliy e pi thin nem, ma aram e kam tabab nigew e fol Bible.

◼ Rayog ni ngan fanay e page 7 ni ngan dag rogon ni yima fil e Bible ngak e girdi’:

Mu beeg fa dalip ni som’on e sentence, mag pithig ko guruy ni 3 mag fanay e paragraph 1 nge mada’ ko 3, mag tababnag e fol Bible ngak. Mu yarmiy ba ngiyal’ ni ngam sul ngam weliyew e fulweg ko fapi deer ko paragraph 3.

◼ Rogon ni ngam yarmiy ni ngam sul:

U m’on ni ngam musegew e fol Bible e rofen nem, ma gimew dugliy reb e rran ni ngkum ululgow. Rayog ni nge lungum, “Kemus nu lan in e minit, ma kad filew e n’en ni be yog e Bible u murung’agen ban’en nib ga’ fan. Yay ni migid ni gu ra sul, e rayog ni ngad weliyew [mu fith reb e deer ni gimew ra weliy e fulweg riy ko yay ni migid ni ga ra sul]. Rayog ni nge binem e wik mu ku gub ko biney e tayim?”

Chiney ni be chugur fare rran rok Jehovah e be ayuwegdad ni ngad rin’ed e re maruwel ney ni ke pi’ ngodad. (Matt. 28:19, 20; 2 Tim. 3:17) Ere manga yugu da fanayed e re ke babyor ney nib fel’ rogon, ya nga yog ni ngad tababnaged e fol Bible ngak e girdi’.

[Caption on page 3]

Ngan weliy e pi Thin nu Bible ni bay ko page 4-5

◻ Revelation 21:4 (pp. 30-1, par. 1-3)

◻ Isaiah 33:24; 35:5, 6 (p. 40, par. 22)

◻ John 5:28, 29 (pp. 81-2, par. 17-19)

◻ Psalm 72:16 (p. 38, par. 19)

Fulweg ko Deer ni bay ko page 6

◻ Mang fan ni gad ma gafgow? (pp. 124-5, pars. 6-8)

◻ Uw rogon ni ngad k’adedan’dad ko pi magawon rodad? (pp. 212-3, pars. 1-3)

◻ Uw rogon me yog e felfelan’ nga lan e tabinaw rodad? (pp. 164-5, par. 20)

◻ Mang e ma buch rodad u nap’an ni kad m’ad? (pp. 64-5, pars. 5-6)

◻ Ku rayog ni ngad mada’gad bayay e piin nib t’uf rodad ni kar m’ad, fa? (pp. 81-2, pars. 17-19)

◻ Mang e mich riy nra lebguy Got e tin ke micheg ni fan ko gabul nge langlath? (p. 28, par. 17)