(1) Deer, (2) Thin nu Bible nge (3) Guruy

Reb e kanawo’ nib mom ni ngam pi’ fare babyor ni Mang e Ri Be Fil e Bible? e aram e (1)ngam fith reb e deer nrayog ni ngam nang e n’en ni be lemnag be’, (2)ngam beeg reb e thin nu Bible nib puluw, (3)mu dag reb e guruy u lan fare babyor ngak e en ni gimew be non, ni bay rogon ko n’en ni gimew be weliy, ma ga weliy fapi deer ngak ni bay u tabolngin fare guruy. Faanra baadag facha’ e machib ma rayog ni ngam tababnag e fol Bible ngak ko bin som’on e paragraph. Rayog ni ngam rin’ e re ney ko yay ni som’on ni kam mada’nag be’ fa u nap’an ni kam sul ni ngam guy be’.

◼ “Ga be lemnag ni rayog ko girdi’ ni ngar nanged e en ni ke sunmiy gubin ban’en ni bod ni be yog e Bible, fa?” Mu beeg e Acts 17:26,27, mag pag ni nge fulweg. Mag dag e chapter 1.

◼ “Ngiyal’ ney e ke yoor e magawon rodad, ere ga be lemnag ma rayog ni nge pagan’dad ko re thin ni baaray?” Mu beeg e Roma 15:4, mag pag ni nge fulweg. Mag dag e guruy 2.

◼ “Faanra bay gelngim ni ngam rin’ e pi ney, ma ga ra rin’? Mu beeg e Revelation 21:4, mag pag ni nge fulweg. Mag dag e guruy ni 3.

◼ “Ga be lemnag maku rayog ni felfelan’ pi fakdad ni bod rogon ni be yog e re tang ni baaray?” Mu beeg e Psalm 37:10,11, mag pag ni nge fulweg. Mag dag e guruy ni 3.

◼ “Ga be lemnag ma ra taw nga ba ngiyal’ ma ra lebug e re thin ni baaray?” Mu beeg e Isaiah 33:24, mag pag ni nge fulweg. Mag dag e guruy ni 3.

◼ “Ka am lemnag ko manang e piin ni kar m’ad e n’en ni be rin’ e piin ni ka yad ba fas?” Mu pag ni nge fulweg. Mag beeg e Eklesiastes 9:5, mag dag e guruy ni 6.

◼ “Ga be lemnag ma ra taw nga ba ngiyal’ ma gad ra guy e piin ni yad ba t’uf rodad ni kar m’ad, ni bod rogon ni yog Jesus ko pi thin ni baaray?” Mu beeg e John 5:28, 29, mag pag ni nge fulweg. Mag dag e guruy ni 7.

◼ “Uw rogon ni ga be lemnag, mang e ra rin’ min rin’ e tin nib m’agan’ Got ngay u roy u fayleng ni bod ni yibe rin’ u tharmiy, ni faan bay ko fare kenggin e meybil ni fil Jesus?” Mu beeg e Matthew 6:9, 10, mag pag ni nge fulweg. Mag dag e guruy ni 8.

◼ “Ga be lemnag ma gad be par u ba ngiyal’ ni bod ni be yog e re yiiy ni baaray? Mu beeg e 2 Timothy 3:1-4 mag pag ni nge fulweg. Mag dag e guruy ni 9.

◼ “Boor e girdi’ e ma lemnag ko mang fan ni be gel e magawon rodad i yan. Baaray fan ni ke yoor e magawon. Mu beeg e Revelation 12:9. Ka am lemnag e re n’ey? Mag pag ni nge fulweg. Mag dag e guruy ni 10.

◼ “Ka am lemnag ni ngam nang e fulweg u reb e deer ni bod e bin baaray?” Mu beeg e Job 21:7, mag pag ni nge fulweg. Mag dag e guruy ni 11.

◼ “Ga be lemnag ma faan gad ra fol ko re thin ney ma ra fel’ e tabinaw rodad, fa?” Mu beeg e Efesus 5:33 mag pag ni nge fulweg. Mag dag e guruy ni 14.

Rayog ni ngam reportnag e Bible study rom u tomuren ni kam filew e Bible l’agruw yay ma ga be lemnag nra ulul ko fol Bible.