Ba Video ni Ma Tamilangnag Ban’en ni Baga’ Fan ko Tafalay
Piin ni togta nge pi lawyer e yad be tiyan’ ko mat’awun e piin ni be un ko tafalay. Aram e kan lemnag mit e tafalay ni nge ayuweg e Pi Mich Rok Jehovah. (Acts 15:28, 29) Aram e n’en ni be tamilangnag fare video ni Transfusion-Alternative Health Care—Meeting Patient Needs and Rights. Ngam yaliy ma ngam sul nga daken e pi n’en ni kam fil.—Mu tiyan’um ngay: Re video ney e bay riy yaan e ngan sey e girdi’, me ere pi gallabthir e ra ayuw riy ni faanra yad ra pag e bitir rorad ngar guyed e pi n’em.
(1) Mang fan ni boch e girdi’ ko tafalay e be fl’eg i lemnag u murung’agen e ngan kuruf ko racha’? (2) Ngam weliy u murng’agen dalip mit e surgery nib mo’maw nrayog ni ngan rin’ ndabni kuruf ko racha’. (3) Uw urngin e togta ni physician nge surgeon u ga’ngin e fayleng ni kar rogned ni yad ra tafalaynag e girdi’ ma dabra fanayed e racha’? Mang fan ni yad ra rin’? (4) Mang e pirieg e pi aspital u murung’agen e ngan kuruf ko racha’? (5) Mang boch e magawon nib l’ag ko kuruf ko racha’? (6) Mang e yog e piin nib llowan’ u murung’agen angin ni yib ni dabni kuruf ko racha’? (7) Mang e ma n’igin nge m’ar be’ ko anemia? Uw fene gel e re m’ar nem ko girdi’? (8) Uw rogon nrayog ni ngan n’igin nge fl’eg downgin be’ e red-cell? (9) Mang e yibe rin’ ni dabi yoor e racha’ ni ra lul’ nga but’ u nap’an e surgery? (10) Rayog ni ngan fanay e transfusion alternative ko piin ni bitir ara piin ni yad ba ubchiya nib gel? (11) Mang reb e motochiyel ko ngongol ko tafalay nib fel’? (12) Mang fan ni baga’ fan ko pi Kristiano ni ngar turguyed u m’on riy ni dabra fanayed e racha’ ko tafalay? Uw rogon nrayog ni ngad rin’ed e re n’ey?
Ra be’ ma ir rok ni nge turguy ko tin ngan e tafalay ni bay ko re video ney nra m’ag rok ma dabi kirebnag laniyan’ ya ba puluw ko Bible. Kam turguy ko tin ngan e tafalay ni ga ra un ngay nge bitir rom? Susun ni ngam weliy ko girdi’ rom ni gathi yad e Pi Mich ko mang e kam turguy nge mang fan.—Mu guy “Questions From Readers” ko June 15, 2004, nge October 15, 2000, ko The Watchtower.