Dawor Mu Fl’eg Fa?

Dawor mu fl’eg e mang? Fa gi babyor ni yima yog e DPA ngay (durable power of attorney) ni yima pi’ ngak e Pi Mich ni ke un ko taufe. Da mu nang e n’en ni bay yib ngom gabul ere ri ba ga’ fan ni ngam turguy e n’en ni ga ba adag ma ga yoloy mit e tafalay ni ba fel’ u wan’um ngan pi’ ngom ni faanra ngam maad’ad. (Jas. 4:14; Acts 15:28, 29) Ra nge ayuwegem, ma kan ngongliy e video ni Transfusion-Alternative Health Care​—Meeting Patient Needs and Rights. Mu yaliy, ma ga tafinaynag ma ga meybil ku Got u murung’agen e pi n’en ni ke tamilang u wan’um ko pi deer ni ba aray.​—Mu tiyan’um ngay: Bochan ni yira dag yaan e girdi’ ni yira sey u lan fare video, ma yibe ginang e piin ni gallabthir ni ngar turguyed ko yad ra dag ngak e bitir rorad fa danga’.

(1) Mang fan ni be thilyeg boch e togta e lem rorad u murung’agen e racha’ ni yibe kuruf ko m’ar? (2) Mu weliy murung’agen dalip rogon ni kan sey e girdi’ nib mo’maw’ ma dan fanay e racha’. (3) In e togta nge surgeon u fayleng i yan ni ka rogned nib fel’ u wan’rad ni ngar tafalaynaged e girdi’ ndabra kurufed e racha’ ngorad? Mang fan nib fel’ u wan’rad ni ngar rin’ed e re n’ey? (4) Mang e be dag boch e report ko aspital u murung’agen e racha’ ni yibe fanay? (5) Mange riya’ ni bay ko racha’ ni yibe fanay? (6) Mang e ke tamilang u wan’ boor e togta u murung’agen e tafalay ndab ni kuruf e racha’? (7) Mange ma e ma k’aring e anemia? Ma uw fene gel ngak e girdi’? Mange rayog ni ngan rin’ ni nge ayuweg be’ ni bay e anemia? (8) Uw rogon nrayog ni ngan yoornag e red-cell ko racha’ u downgin be’? (9) Miti mang tafalay e yibe tay ni nge dabi map’ boor e racha’ nga but’ ko ngiyal’ ni kan seyey? (10) Rayog ni nge yib angin ngak e bitir ara be’ ni kari gel e maad’ad rok, fa? (11) Mang e bin nib mat’aw e kanawo’ ni ngan tafalaynag be’ riy? (12) Mang ni ba ga’ fan ni nge turguy e Kristiano nib papey e miti tafalay ndab ni fanay e racha’ riy u m’on ko tafalay? Uw rogon ni ngad rin’ed e re n’ey?

Ra be’ ma ir e ke mil fan ngak ko ra un ngab mit e tafalay u lan fare video fa ni be yan u rogon ni kan skulnag e nangan’ rok ko thin nu Bible. Kam turguy mmit e tafalay nib fel’ u wan’um ni ngam un ngay nge bitir rom fa? Ra ga baadag ni ngkum nang boch murung’agen e re n’ey, ma guy e “Deer ko Piin Ma Beeg” ni bay ko Watchtower ni June 15, 2004, nge October 15, 2000, nge fare insert ni “Uw Rogon u Wan’ug e Pi N’en ni Blood Fraction nge Ku Mit e Tafalay nib L’ag Nga Rachaeg?” ni bay ko Our Kingdom Ministry ko November 2006. Susun ni ngam tamilangnag ngak e piin ni kam mel’eg ni nga mang health-care agent rom nge girdi’ ko tabinaw rom ngathi yad e Pi Mich rok Jehovah e n’en ni kam turguy.