Ga Manang ko Mang e Ngam Rin’?

Ke yoor e aspital u fayleng ni yibe sey e girdi’ riy ndanir pi’ e racha’ ngorad. Ga manang ko bmiti mang tafalay e rayog nim un ngay ndab mu fanay e racha’, fa? Ba ga’ fan ni ngam nang, ya nge yog nim meleg e re miti tafalay nib fel’ ni ngam un ngay. Mu yaliy fare video ni No Blood​—Medicine Meets the Challenge. Tomren ni kam yaliy fare video mag sul u daken e pi n’en ni kam fil ni gabe fanay e pi deer ni baaray mag yibilay e n’en ni kam dugliy ni ngam rin’.​—Ban’en ni ngan tay fanay i yan riy e: Thingari dugliy e gallabthir ko yad ra pag e bitir rorad ni kab achig ngar yaliyed e re video ney fa danga’ ni bochan e bay yaan e girdi’ nib m’ar riy ni yibe sey.

(1) Mang e bin th’abi ga’ i fan ndar ma pag e Pi Mich Rok Jehovah ni ngan pi’ e racha’ ngorad? (2) Mang e ba adag e Pi Mich Rok Jehovah u rogon e tafalay ni ngaun tay ngorad? (3) Mang e bay mat’awun e en ni yibe tafalaynag ni nge rin’? (4) Mang nib fel’ ni ngan un ko tafalay ndab ni fanay e racha’ riy? (5) Faanra boor e racha’ ni ke map’ ma mang l’agruw ban’en nib ga’ fan ni nge rin’ e togta? (6) Mang aningeg i ban’en nthingari ni rin’ ko tafalay ndanir ma fanay e racha’ ngay? (7) Mang e ra rin’ e togta (a) ma dabi yoor e racha’ nra map’ u dow be’, (b) me ayuweg ndabi lich e red blood cell u dow be’, (c) me yog ni ki yoor e racha’ u dow be’ bayay, (d) me yog ni ngki sul lon e racha’ ni ke map’ u dow be’ nga but’? (8) Mu weliy ko mang e (a) hemodilution nge (b) cell salvage. (9) Mang e ga t’uf ni nga nog ngom u murung’agen e tafalay nrayog nim un ngay ndab ni fanay e racha’ riy? (10) Rayog ni ngan sey be’ ndab ni pi’ e racha’ ngak, fa? (11) Mang boch ban’en ni be mon’og u rogon e tafalay ni yibe tay?

Ra be’ ma ir rok e ra dugliy e re miti tafalay nra un ngay ni bay ko re video ney ni be yan u rogon e nangan’ rok. Kam turguy e re miti tafalay ni ga ra un ngay fa gimed ra un e bitir rom ngay? Ma kam ngongliy bang fare DPA card ngom fa ngomed e bitir rom? Ra ga baadag ni ngkum nang boch u murung’agen e re n’ey mag guy e “Questions From Readers” ko The Watchtower ko June 15, 2004, nge October 15, 2000. Mag fanay fagi babyor ni bay ko insert ko Machib Rodad Ni Fan Ko Gil’ilungun Got ko November 2006 ni kenggin e “Uw Rogon u Wan’ug e Pi N’en ni Blood Fraction nge Ku Mit e Tafalay nib L’ag nga Rachaeg?,” nge yog ni ayuwegem ngam turguy e re mit i tafalay ni ga ra un ngay nge tin ni danga’. Dab mu pagtalin ni ngam tay e pi n’ey ko DPA card mag weliy ngak e piin ni kar sign gad ko card rom nge chon e tabinaw rom ni gathi yad e Pi Mich e n’en ni kam dugliy.

[Kahol ko page 3]

• Kam dugliy e re miti tafalay ni ga ra un ngay fa gimed ra un e bitir rom ngay, fa?

• Kam ngongliy bang e DPA card ngom nra ayuwegem u nap’an ni ke buch ban’en rom, fa?