Mang e Rayog ni Ngam Mel’eg ni Ngam Rin’?
Pi apostal nge boch e pumoon ni ur ayuweged pi gachalpen Jesus u nap’an e bin som’on e chibog e ra muulunggad nga taabang ni ngar puruygad ko tin ngan e motochiyel e ra fol urngin e girdi’ ko ulung ni Kristiano riy. Baaray e n’en ni taareban’rad ngay ni aram e: “Dab kun tay ban’en nib tomal nga dakenmed nge chag ko tin i baaray e motochiyel ni bay, ni aram e dab mu ked e ggan ni kan pi’ ni maligach ko liyos nma meybil boch e girdi’ ngay; ma dab mu ked e racha’; ma dab mu longuyed e gamanman nni uchuluy k’angan nge yim’; mi gimed ayuwegmed ndab mu pired be’ ni gathi mabgol romed.” (Acts 15:28, 29; 21:25) Ere thingar da paloggad ko “racha’.” Rib ga’ fan e re ney u wan’ Got ni bod feni ga’ fan ni ngan palog ko meybil ko liyos nge ngongol ni darngal.
Fare motochiyel ni be yog ni dab ni kay e racha’ e ba muun ngay ni dab ni fanay, fa? Arrogon. Susunnag ni faanra yog e togta ngom ni dab mu unum e alkul, ma rayog ni ngan kuruf ngom, fa? Dabiyog, ere ku arrogon ni faanra dabni kay e racha’ maku dab ni fanay. Fare motochiyel ni ngan palog ko racha’ e ba muun ngay ni dab da paged ngan pi’ e racha’ ngodad.
Ma uw rogon ni faanra bay reb e Kristiano ni ke maad’ad nib gel ma ba t’uf ni ngan sey? Ra guy rogon ni nge ayuweg e yafos rok nib tow’ath ni pi’ Got ni aram e rayog ni nge un nga reb e taflay ni dabi fanay e racha’ riy. Maku rayog ni nge guy e togta ngan ayuweg u boch e taflay nrayog ni nge un ngay.
Kam turguy ko tin ngan e tafalay e rayog ni ngam uned e bitir rom ngay ma kam fal’eg fare babyor ni DPA? Rayog ni ngan guy fare Wulyang Ntagil’ E Damit, ko June 15, 2004, page 14-24. Ma ngam yaliy fare worksheet ni bay ko fare insert ko Machib Rodad Ni Fan Ko Gil’ilungun Got ko November 2006 ni kenggin e “Uw Rogon U Wan’ug e Pi Blood Fraction nge Medical Procedure nib L’ag ko Rachaeg?” ma ga turguy ko ba miti mang tafalay e ga ra un ngay. Ngemu’ ma ga yoloy e pi n’en ni kam turguy ko fare DPA card rom. Piin ni yad e health-care agent rom nge girdien e tabinaw rom ni gathi yad e Mich e susun ni ngar nanged e tin ni kam turguy.