Be’ ni Dag Rogon ko Piin ni Fel’ Yangaren nge Piin ni Kar Ilalgad
Rib fel’ thilrow Got. Ke ognag ir ni nge rin’ e tin nib m’agan’ Got ngay. Ke fol rok fa bin riyul’ e Got me yib e flaab ngak ni bochan ni i rin’. Cha’ ney e Noah, ni i dag rogon ko piin ni fel’ yangaren nge piin ni kar ilalgad. (Gen. 6:9) Fare video ni Noah—He Walked With God e ra ayuwegem ngam lemnag rogon e par rok Noah, nge ko mang fan ni i flaabnag Jehovah, nge rogon nrayog ni ngam folwok e ngongol nib fel’ rok.
Fare video ko Noah ni kan tay u daken DVD e ba muun ngay e Skeng ko Video. Mu yaliy e video, ma ga pi’ e fulweg ko pi deer ni baaray: (1) Mang e ke rin’ boch e engel nde mat’aw, ma mang e Nephilim? (Gen. 6:1, 2, 4) (2) Mang fan ni ke gel e kireb rok e girdi’, ma uw rogorad u wan’ Got? (Gen. 6:4-6) (3) Uw rogon ni ba thil Noah? (Gen. 6:22) (4) Uw rogon ni kan thang e fan rok e girdi’ nib kireb? (Gen. 6:17) (5) Uw ga’ngin e arke? (Gen. 6:15) (6) Ku mang i rin’ Noah, ma mang e ke rin’ e girdi’? (Matt. 24:38, 39; 2 Pet. 2:5) (7) Uw urngin ko ra mit e gamanman ni immoy u lan e arke? (Gen. 7:2, 3, 8, 9) (8) Uw n’umngin nap’an ni ke aw e n’uw, ma uw n’umngin nap’an ni tharey e ran e fayleng? (Gen. 7:11, 12; 8:3, 4) (9) Mang fan ni i par Noah nge girdien e tabinaw rok ni yad ba fos? (Gen. 6:18, 22; 7:5) (10) U uw e gif fare arke? (Gen. 8:4) (11) Uw rogon ni manang Noah nrayog rok ni nge chuw ko fare arke? (Gen. 8:6-12) (12) Mang e ke rin’ Noah ko ngiyal’ ni nge chuw ko fare arke? (Gen. 8:20-22) (13) Mang e be yip’ fan fare ragim? (Gen. 9:8-16) (14) Mang fan e thin ni ngam marow Got u taabang? ((Gen. 9:8-16) (15) Mang e ba t’uf ni ngad rin’ed ni ngad guyed Noah u lan e Paradis? (Matt. 28:19, 20; 1 Pet. 2:21)
Fapi thin nu Bible u murung’agen Noah e ke fil e mang ngom u murung’agen e kanawo’ ni ngam marow Got u taabang nge par e tafinay rom nib mudugil ni rayog rok Jehovah ni nge ayuweg e girdi’ rok e ngiyal’ ney ngar thapgad ngak?—Gen. 7:1; Prov. 10:16; Heb. 11:7; 2 Pet. 2:9.