Dab Mu Pag Nge M’ay Rogon nib T’uf Got Rom
1 I pi’ Jesus e fonow ngak fare ulung nu Efesus u nap’an e bin som’on e chibog ni gaar: “Baaray e n’en ndabug rom: da kug t’uf rom e chiney ni bod fanag t’uf rom ko som’on.” (Rev. 2:4) Be m’ug riy ni boor e girdi’ ko ulung ma ke war rogon nib t’uf Jehovah rorad. Nap’an ni kad filed e thin nriyul’ ma ke gel e t’ufeg rodad ko Got nge piin ni migid ngodad, ma kan k’aringdad ni ngad wereged e tin ni ke michan’dad ngay u fithik’ e pasig. Mang e ra ayuwegdad ndabi war rogon nib t’uf Got rodad ko som’on ma dabda sagaalgad ko machib?
2 Fol Babyor ni Goo Gur nge Pi Muulung: Mang e ke n’igin nge t’uf Got rodad nge girdi’ u nap’an ni kad filed e thin nriyul’? Gathi bochan urngin ban’en ni kad filed u murung’agen Jehovah u daken e Bible? (1 John 4:16, 19) Thingarda ul’ul’gad i fil e thin nriyul’ ni “ngi i gel feni t’uf Got nge girdi’ rodad iyan,” ma nguud filed e “tin nda nnang ni ke m’ay i lemnag rok Got.” (Fil. 1:9-11; 1 Kor. 2:10)
3 Ngiyal’ ney ni tin tomren e rran ma mo’maw ni ngan fol babyor u gubin ngiyal’ ya boor ban’en ni ma wageynag lanin’uy. (2 Tim. 3:1) Thingarda dugliyed boch e tayim ko schedule rodad ni ngad filed e tin nib spiritual ban’en. Maku baga’ fan ni ngad uned ko pi muulung ko ulung u gubin ngiyal’ ya gad be “guy ni Chirofen ni bay yib Somol riy e be chugur.”—Heb. 10:24, 25.
4 Machib: Ngad pasiggad i un ko machib ma ra ayuwegad ngii t’uf Got rodad. Ma nap’an ni gad ma wereg fare thin nib fel’ ma be puguran ngodad ko pi n’en ni i micheg Jehovah, ma gad ma l’agan’ ngay ma dabi war e t’ufeg rodad. Ba t’uf ni ngad fl’eged i gayiy boch ban’en ko thin riyul’ ko Bible nge tamilang u wan’dad ma aram e rayog ni ngad machibnaged e yugu girdi’, ma aram e ma gelnag e michan’ rodad.—1 Tim. 4:15, 16.
5 Bay rogon Jehovah ni ngan nog e sorok ngak, ma ngad t’ufeged. (Rev. 4:11) Dab mu pag nge war e t’ufeg rom. Nguum par ni ba t’uf Got rom nib gel ma ngam fol Bible, ma ngam un ko pi muulung, ma ngam pasig i weliy ko girdi’ e n’en nib t’uf rom.—Rom. 10:10.