Schedule Ko Service Meeting
Wik ko July 14
10 min: Local announcement. Ngan fanay e thin ni bay ko page 4 ara yugu reb e thin nib m’ag ko binaw ngan dag rogon ni ngan wereg fare Wulyang Ntagil’ E Damit ko July 1.
15 min: Ba “Puf Rogom ni Ngam Non,” Fa? Welthin ni bay ko Watchtower ko May 15, 2006, page 13-16 ni thin ni Meriken. Ngan tamilangnag nib ga’ fan ni ngan machib ndab ni rus.
20 min: “Gad Be Kirebnag e Thin De Riyul’ ni Yibe Togpuluwnag Ngak Got.”a Ngan pining e girdi’ ngar weliyed rogon ni ayuwegrad e en ni ur filed e Bible nge yog nra paged e tin ni ke michan’rad ngay ko teliw ni googsur.
Wik ko July 21
10 min: Local announcement nge boch e Announcement ni bay ko Machib Rodad Ni Fan Ko Gil’ilungun Got. Ngan puguran ko girdi’ ni ngar feked iyib fare Wulyang Ntagil’ E Damit ko August 1 nge fare Awake! ko August ko Service Meeting ko bin migid e wik mar fl’eged rogorad ni ngar weliyed boch ban’en riy ni yad baadag ni ngar weliyed ngak e girdi’ ko territory.
15 min: Tin nib t’uf ko ulung.
20 min: “Mu Fl’eg Rogom—Reb e Kanawo’ Nra Yibnag Angin e Sul ni Ga Ra Tay Ku Be’.”b Ngan dag reb e soliloquy ni aningeg e minit n’umngin nap’an u reb e publisher ni be fl’eg rogon ni nge sul ngak boch e girdi’ ni ke mada’nag ko machib. Ke yaliy e babyor rok ma bay l’agruw ni’ riy ni baadag ni nge sul ngorow ko biney e weekend. Ma aram e ra bagayow me lemnag e n’en ni ka ur weliy, nge n’en ni be nameg ni fan ngak, ma aram me fl’eg rogon riy. Bagayow e ke fl’eg rogon ni nge ognag e fol Bible ngak. Ma bagayow e ke fl’eg rogon ni nge pug e tafinay rok u daken e thin ni bay ko paragraph 5.
Wik ko July 28
10 min: Local announcement. Nga nog ko girdi’ ni ngar pied e report rorad ko machib ko July. Ngan beeg e report ko salpiy nge ayuw ni kan pi’. Nga nog e babyor ni ngan wereg ko August min dag rogon ni ngan wereg.
20 min: “Ra Nog Ban’en nib Fel’ ni Ke Rin’ Be’ Ma Ra Yibnag e Felfelan’.”c Ra ka bay e tayim riy min pining e girdi’ ngar weliyed e thin ko Bible ni bay riy.
15 min: Ngan Fl’eg Rogoy ni Ngan Wereg e Pi Magazine nib Biech. Ngan deeriy ko ulung. Tomren ni kan weliy boch ban’en u murung’agen fare Wulyang Ntagil’ E Damit ko August 1 nge Awake! ko August min fith e girdi’ ko tin ngan e article e ra adag e girdi’ ko territory ma mang fan. Ngan pining e girdi’ nga rogned e pi n’en ni bay ko pi article riy ni yad be lemnag ni ngar weliyed ko girdi’. Mang boch e deer nrayog nni fith min tababnag e sabethin? Mang boch e thin ko Bible nrayog ni ngan beeg? Ngan fanay reb e presentation ni bay ko Machib Rodad Ni Fan Ko Gil’ilungun Got ara yugu reb e thin, ngan dag rogon ni ngan wereg e gal magazine nem.
Wik ko August 4
10 min: Local announcement.
15 min: Ke Fl’eg Pi Fakam Rogorad ni Ngaur Machibgad ko Territory Rorad? Ran welthin min fith boch e deer. Ngan weliy boch e magawon ni ma mada’nag e piin fel’ yangaren u sukul. Ngan weliy rogon nrayog ni nge pirieg e piin gallabthir nge bitir rorad e ayuw ko fare Watch Tower Publications Index. Ngan weliy boch e kanawo’. (Mu guy fare main heading ni “Schools” nge fare subheading ni “experiences.”) Ngan pining e girdi’ ko ulung ni kar ilalgad u lan e tabinaw ko Kristiano ngar weliyed rogon ni ke ayuwegrad e gallabthir rorad ni ngar gelgad ko pi magawon u skul nge rogon ni ngar folgad ko pi kenggin e motochiyel ko Bible u skul. Ku rayog ni ngar weliyed boch ban’en ko sukul ni kar fanayed e Awake! ni ngar ngongliyed. Ngar weliyed rogon ni keb e ayuw ngorad ni bochan e kar uned ko machib ko territory rorad.
20 min: “Piin Gallabthir—Mu Ayuweged Pi Fakmed Ngar Filed Rogon i Gonopiy Ban’en.”d Reb e piilal e nge pi’ e re welthin ney. Tomren ni kan weliy e thin ko paragraph 5, min dag rogon nra ayuweg reb e bitir e deer nib fel’ ni ke fith e gallabthir rok ngak. Bay e magawon rok fare tir ni kub magawon nib ga’ ni ma yib ngak e piin fel’ yangaren u lan e ulung. Som’on ma fulweg rok e ra dag nde puluw e lem rok. Machane me gum’an’nag fare gallabthir ir me gay rogon ni nge nang e n’en bay u laniyan’ fak u daken boch e deer nra ayuweg fare tir ni nge lemnag fare n’em ni ir rok. Angin riy e, ke turguy fare tir e n’en nib fel’ ni nge rin’ mab puluw ko pi kenggin e motochiyel nu Bible.
[Boch e Thin nra Tamilangnag Murung’agen]
a Dabni pag taareb e minit ni ngan weliy e tin som’on e thin ngemu’ min deeriy ko ulung.
b Dabni pag taareb e minit ni ngan weliy e tin som’on e thin ngemu’ min deeriy ko ulung.
c Dabni pag taareb e minit ni ngan weliy e tin som’on e thin ngemu’ min deeriy ko ulung.
d Dabni pag taareb e minit ni ngan weliy e tin som’on e thin ngemu’ min deeriy ko ulung.