Ngan Wereg Reb e Tract ko October 20–November 16!

¹ U lan aningeg e wik ni tabab ko Montag, October 20, ma gad ra wereg reb e tract nib beech ni kenggin e Ga Baadag ni Ngam Nang e Tin Nriyul’? Yibe athapeg nre maruwel ney e ra ayuweg boor e girdi’ ngar adaged e tin nriyul’.​—John 17:17.

² Re tract nem e be pi’ e fulweg nni fek u Bible nga nel’ i deer ni baaray nib ga’ fan ni gaar: “Ma lemnagdad Got, fa?” “Ra m’ay e mahl nge gafgow, fa?” “Mang e ma buch rodad u nap’an kad m’ad?” “Bay e athap ko piin kar m’ad, fa?” “Uw rogon ni nggu meybil me rung’ag Got?” nge “Uw rogon ni nggu pirieg e bin riyul’ e felfelan’?” Pi yurba’ i teliw ko Kristendom e darur pied e fulweg ko pi deer ney. Mus ngak e piin ndarur rogned ni yad e Kristiano ni ku yad ma lemnag e pi n’em, machane dar nanged ni Bible e bay e fulweg riy. Ere, ra adag e girdi’ ni yoor e re thin ney.

³ Ngan Wereg fare Tract u Ga’ngin e Territory: Mu athamgil ngam wereg fare tract u ga’ngin e territory. Faanra ba ga’ e territory ma rayog ni nge yog e piin piilal ni ngan tay e tract ko pi naun ni demoy be’ riy. Dabmu pagtalin ni ngam pi’ e tract ngak e piin buguli yoror rom nge girdi’ rom nge piin ni gamanang u skul fa tabon e maruwel nge ku boch e girdi’. Sana rayog ni ngam yarmiy ni ngam un ko pioneer ni ayuw ko October fa November. Bay e bitir fa Bible study rom ni be mon’og i yan ko tirok Got ban’en nsana rayog ni nge mang unbaptized publisher me un ko re maruwel ney? Faanra bay, ma gog ko piin piilal.

⁴ N’en ni Nga Nog: Bfel’ ndab mog boor e thin nge yog nim non ngak boor e girdi’. Mu fith ngak e householder rom taareb ko fa nel’ i deer ni bay u keru’ fare tract mag tamilangnag ngak e fulweg riy u lan fare tract. Ra aram rogon ma rayog ni nge reb e publisher me puluwnag e thin nra yog ko girdi’ nra mada’nag. Faanra ba adag be’ e machib mag yoloy fithingan nga but’ mag sul ngak. Nap’an e wikend ma rayog ni ngan wereg e magazine nge tract u taabang. Nap’an nra mus fare campaign ko November 16, ma gad ra wereg fare babyor ni Rayog Ni Ngam Par Ni Gab Fas U Paradis U Fayleng. Tin nra magey e tract e rayog ni ngan tay ngaun wereg ni bod e tin ka bay e tract.

⁵ Ngan Tababnag e Bible Study: Kan fl’eg e re tract ney ni nge yog ni ayuwegdad ngad tababnaged e Bible study. Nap’an ni kam sul ngak be’ ni baadag e machib, ma rayog nim fith ngak ko tin ngan e thin nriyul’ ko Bible e ke fl’eg laniyan’? Mu tamilangnag ngak e thin ko bin tomur e page ni be weliy murung’agen e fol Bible ni yima tay ko girdi’, mag pi’ fare babyor ni Mang E Ba T’uf ngak. Faanra rayog mag weliy taareb ara l’agruw e paragraph ni bay rogon e thin riy ko n’en ni ke mel’eg.

⁶ Be gayiy Jehovah e piin ni yad be liyor ngak u “daken e ayuw ko kan ni thothup ngu fithik’ e yul’yul’.” (John 4:23) Manga yugu da uned ni gad gubin ko re maruwel ney nib ga’ fan ngad ayuweged e tin ka bay e girdi’ ngar nanged e tin riyul!