Gur, Ra Yib Angin Ngom ni Faanra Ngam Mel’eg Reb e Binaw ni Ir e Ngam Machib Riy?
1. Mang fan nib fel’ ni ngan mel’eg reb e binaw ni ir e ngam machib riy?
1 Mang fan nib fel’ ni ngan mel’eg reb e binaw ni ir e ngam machib riy? Faanra boor e binaw ni ma machib e girdi’ u lan e ulung rom riy, ma rayog ni ngam mel’eg bang ni sana ba chugur ko gin ni ga ma par riy ni ngam machib u rom. Fare babyor ni Organized ko page 103 e be gaar: “Ga ra mel’eg reb e binaw ni ngam machib riy nib chugur ko gin ni ga ma par riy ma ra ayuwegem ni nge yag ni ngam fanay boor e tayim rom ni fan ko machib. Maku, rayog ni ngam pining reb e walag ni nge un ngom ngam machibgow ko re binaw nem ni kam mel’eg.”
2. Faanra bay reb e binaw ni ir e kam mel’eg ni ir e ngaum machib riy, ma uw rogon ni ku rayog ni ngkum pi’ e ayuw ko pi walag u lan e ulung ko machib ni ku yad ma tay?
2 Ngkum Pi’ e Ayuw ko Machib ni Ma Tay e Pi Walag u Lan e Ulung u Taabang: Faanra ngam mel’eg reb e binaw ni ngam machibnag nib chugur nga tabon e maruwel rom, ma rayog ni ngam machib u nap’an ni kam tal ko maruwel ni misiw’ ara u m’on ni ngam sul nga tabinaw rom. Ma rayog ni ngam pining reb e walag ni ku be maruwel nib chugur ko gin ni ga be maruwel riy ni ngam machibgow u taabang. Faanra ngam mel’eg bang ni ngam machib riy nib chugur ko gin ni ga ma par riy ma rayog ni ngam uned chon e tabinaw rom ko machib ni blayal’. Faanra de yag romed ni ngam uned ko fare muulung ni fan ko machib u m’on ni ngan yan ko machib, ma rayog ni ngam meybilgad ngak Jehovah ni nge pow’iymed u m’on ni nga marod ko machib. (Fil. 4:6) Maku, ngam gonopiy urngin e tayim ni ngam fanay ni fan ko fare binaw ni kam mel’eg nge urngin e tayim ni ngam pi’ e ayuw riy ko machib ni ma tay e pi walag u taabang. Nap’an e Sabado nge Madnom, mab ga’ nib fel’ ni ngad uned ko machib ni ma tay e pi walag u lan e ulung u taabang.
3. Mang angin nra yib nfaanra mel’eg be’ reb e binaw ni ir e nge machib riy?
3 Angin Nra Yib Riy: Faanra kam mel’eg bang ni ngam machib riy, ma rayog ni ngam man ngay ko machib ko ngiyal’ ni ke puf rogom riy. Ma boor e tayim nrayog ni ngam fanay ni fan ko machib ma ra lich e tayim ni ni ga ra n’ag ko milekag. Re n’ey e ke ayuweg boch e girdi’ ni ngar uned ko pioneer ni ayuw ara regular pioneer. Ma bochan ni piin ni kar adaged e machib e yad ba chugur ko gin ni ga be par riy ma ra mom ni ngam sul ngam fil e Bible ngorad. Boor e girdi’ ni kar pirieged nbochan ni kar mel’eged reb e binaw ni ngar machibgad riy, ma aram e ke yag rorad ni ngar nanged e girdi’ riy nib fel’ rogon ma rayog ni ngar pagan’rad ngorad nib ga’ nfaanra boor yay ni kan yan ko machib u m’on ni ngan sulweg e re territory ney ko ulung. Gur, faan ga ra mel’eg reb e binaw ni ngam machib riy, ma ra ayuwegem nge chon e tabinaw rom ni ngam machibgad nib fel’ rogon?—2 Tim. 4:5.