Mu Fanay e jw.org u Nap’an e Machib​—“Become Jehovah’s Friend”

Bay bang ko fare Web site rodad ni jw.org ni kenggin e “Bible Teachings” ni bay riy ban’en ni fan ko piin bitir ni kenggin e “Become Jehovah’s Friend” nib muun ngay e pi tang, nge pi video, nge boch ban’en nrayog ni ngan rin’. Kam fanay re n’ey u nap’an e machib, fa? Faanra ga ma fil e Bible ngak reb e gallabthir ni bay e bitir rok, mab fel’ ni ngam dag e re n’ey ngak ni nge guy. Ya faan ga ra rin’ ni aram rogon, ma rayog ni nge pug e tafinay rok ngki yaliy yugu boch ban’en ni bay ko re Web site ney.

Nap’an ni kan wereg fare Kingdom News No. 38, ma bay reb e walag nib pumoon ni ke pi’ fare tract ngak be’ nib pin me tabab ni nge beeg. Ma re ppin nem e bay e bitir rok ni yad baadag ni ngar nanged ko mang e bay ko fagi tract. Ma aram me weliy fare walag e n’en ni bay riy me dag fare Web site ni bay u keru’ fare tract. Ma bochan ni baadag fare pin e n’en ni kar weliyew, ma aram me dag fare walag fare video ni murung’agen Caleb ni nge guy fare pin nge fapi bitir rok ni be fanay e cell phone rok.

Reb e walag nib pin e weliy ngak be’ ni yow ma maruwel u taabang ni bay e bitir rok murung’agen fare Web site rodad nge pi n’en ni bay riy ni fan ko tabinaw. Ma aram me yaliy fare pin nge fapi bitir rok fare Web site ni jw.org. Tomuren me yog fare pin ngak fare walag ni fapi bitir rok e yad be yanyan u lan e naun ni yad be yon’ fare tang ni kenggin e “Preach the Word” ni aram reb e tang ni bay ko fare section ni kenggin e “Become Jehovah’s Friend.”

Ba fel’ ni ngam man ko fare Web site ni jw.org ngam downloadnag ko cell phone ara tablet rom reb e video nge boch e tang ara ku boch ban’en nrayog ni ngan rin’. Ga ra rin’ e re n’ey, ma aram e rayog ni ngam fanay e pi n’ey u nap’an e machib. Ireray reb e talin e maruwel nrib fel’ nra ayuwegdad ni ngad pigpiggad ngak Somol!​—Acts 20:19.