Rogon Nrayog ni Ngan Yarmiy e Schedule ni Fan ko Machib u Polo’ e Tayim

Ra nge un be’ ko machib u polo’ e tayim rok mab t’uf ni nge yarmiy e schedule rok nib fel’ rogon. Faanra ga ma thognag 18 e awa u reb e wik, ma rayog ni ngam un ko machib u polo’ e tayim maku bay e tayim rom ni fan ko vacation! Faanra aray rogon e schedule rodad ma nap’an ra buch boch ban’en ndad lemnaged ni bod ni kad m’argad ara ke kireb e yafang maku ra gaman e tayim rodad. Re chart ni baaray e rayog ni nge ayuweg e pi walag ni yad ma un ko maruwel nib polo’ reb e rran ara part-time ara de polo’ reb e rran ara piin ni yad ba m’ar ara kar pilibthirgad ni ngar nanged rogon ni ngar yarmiyed e tayim rorad ni fan ko machib. Faan gimed ra yarmiy chon e tabinaw rom boch ban’en ma sana rayog ni nge un reb i girdien e tabinaw rom ko machib u polo’ e tayim ko pul ni September. Sana ba fel’ ni ngam weliyed murung’agen e re n’ey ko bin migid e fol Bible ni tabinaw romed.