Rayog ni Ngam Un i Rin’ e Re Maruwel Ney u Lan Taareb e Duw, Fa?

Mang maruwel e ngam un i rin’? Rayog ni ngam un ko machib u polo’ e tayim rom! Faan ga ra rin’ ma boor e tow’ath nra yag ngom!​—Pr 10:22.

NAP’AN NI GA RA UN KO MACHIB U POLO’ E TAYIM ROM MA RAYOG NI . . .

• ngam salap ko machib miki gel boch e felfelan’ rom

• ngam gelnag e tha’ u thilmew Jehovah. Ra yoor ban’en nim weliy ko girdi’ u murung’agen Jehovah, ma ra yib ngan’um pi fel’ngin ni yira ngat ngay

• ngam pirieg e felfelan’ ni bochan ni ga be mon’eg e tin nib m’agan’ Got ngay mu kum felfelan’ ni bochan ni ga be pi’ e tayim rom ni ngam ayuweg yugu boch e girdi’.​—Mt 6:33; Ac 20:35

• ngam un ko fare muulung ni fan ko piin pioneer u nap’an e circuit visit, nge fare muulung ni yima tay ni fan ko piin pioneer u nap’an e circuit assembly, nge fare skul ni ka nog e Pioneer Service School ngay

• nge mab e kanawo’ ngom ni ngam tabab i fil e Bible ngak yugu boch e girdi’

• nge yoor e tayim ni ngam chag ngak e pi walag nra be’ ma be pi’ e athamgil nga laniyan’ be’.​—Ro 1:11, 12