Boch Ban’en Ndab Da Rin’ed u Nap’an ni Gad Be Fil e Bible ngak Be’

Dabi Pag Rogon e Numon: Dab mu lemnag nthingar mu weliy gubin ban’en ngak e en ni ga be fil e Bible ngak. I fanay Jesus e deer ni nge ayuweg e girdi’ ni ngar fal’eged i lemnag ban’en me tamilang u wan’rad. (Mt 17:24-27) Faan ga ra fith e deer ngak e en ni ga be fil e Bible ngak ma rayog ni ngam nang e n’en nib mich u wan’ mag nang ko ke tamilang e n’en ni gimew be fil fa danga’, ma gimew ra felfelan’ ko pi n’en ni gimew be weliy. (be-E 253 ¶3-4) Nap’an ni ga ra fith reb e deer ngak, mag gum’an’nagem ngam sonnag ni nge pi’ e fulweg riy. Ma faanra ke pi’ reb e fulweg nde puluw mab fel’ ni ngkum fith yugu boch e deer ngak ya nge yag ni nge tamilang u wan’ me nang e bin nib puluw e fulweg ni nge pi’ ko bin ni gur e ngam pi’ e fulweg riy. (be-E 238 ¶1-2) Ngam non ngak u reb e kanawo’ ya nge yag ni nge nang fan boch e machib ndawori rung’ag biid.​—be-E 230 ¶4.

Ngan Mo’maw’nag i Weliy: Dab mu guy rogon ni ngam weliy urngin ban’en ni kam nang u murung’agen e n’en ni gimew be weliy. (Joh 16:12) Kemus ni ngam tamilangnag e tin nib ga’ fan ko fare paragraph. (be-E 226 ¶4-5) Ya yu ngiyal’ e faanra yoor ban’en ni ga be weliy ngak be’ ni yugu aram rogon ni bogi ban’en nib manigil, ma rayog ni nge mo’maw’nag ngak ni nge tamilang e tin nib ga’ fan riy. (be-E 235 ¶3) Ma nap’an ni ke tamilang u wan’ e tin nib ga’ fan ko n’en ni gimew be weliy, ma gimew yan ko bin migid e paragraph.

Kemus ni Yibe Weliy Boch Ban’en ni Ngan Nang: N’en ni gad be nameg e ngad gayed rogon ni nge taw e thin rok Got nga gum’irchaen faen ni gad be fil e Bible ngak, ma gathi kemus ni ngad mu’naged e n’en ni gad be weliy. (Lu 24:32) Mu pag gelngin e Thin rok Got ni nge ayuweg faen ni ga be fil e Bible ngak ni aram e ngam fanay e thin nu Bible ni bay ko n’en ni gimew be weliy nra tamilangnag ngak e tin nib ga’ fan riy. (2Ko 10:4; Heb 4:12; be-E 144 ¶1-3) Mu fanay e fanathin nib mom ni nge nang fan. (be-E 245 ¶2-4) Mu lemnag e magawon rok nge pi n’en ni ke mich u wan’ ma aram mi gimew weliy e n’en ni gimew be fil u reb e kanawo’ nib m’ag ko magawon rok. Mu fith boch e deer ni bod e: “Uw rogon u wan’um e pi n’en ni ga be fil?” “Mang e rayog ni ngad filed u murung’agen Jehovah ko re n’ey?” “Faan ga ra fol ko re fonow ney, ma mang angin nra yib ngom?”​—be-E 238 ¶3-5; 259 ¶1.