PI N’EN NI MA RIN’ E PIIN KRISTIANO
Gimed e Piin Fel’ Yangaren—Dab Mu Sagaalgad ni Ngam Rin’ed Boch Ban’en ni Fan ngak Jehovah u Nap’an Nra “Mab e Kanawo’” Ngomed
Ba mom ni nge lemnag e piin fel’ yangaren ni yad ra par ni yad ba pagel ndariy n’umngin nap’an ni aram e dariy ba ngiyal’ ni yad ra taw ko “pi rran nge duw” ni ma mada’nag e piin pilibthir u lan e re fayleng rok Satan ney. (Ek 12:1) Ere faanra gur reb e fel’ yangaren, ma sana rayog ni ngam lemnag ni ka boor e tayim ni ka bay ni ngam nameg boch ban’en ni bay rogon ko tirok Got ban’en ni bod rogon ni ngam un ko machib u polo’ e tayim rom, fa?
“Ngal’an nge pi n’en ni ma buch ko girdi’” ndan nang e rayog ni nge buch rodad ni gad gubin nib muun e piin fel’ yangaren ngay. (Ek 9:11, NW) Maku reb e, ‘mus ko n’en ni bay yib ngodad gabul ma dad nanged!’ (Jas 4:14) Ere, dab da taweygad nga boch ban’en ma gad tay e pi n’en ni gad be nameg ni fan ko tirok Got ban’en nge tomur. Machane nap’an nra “mab e kanawo’” ngodad ni ngad yoornaged e tin ni gad be rin’ ni fan ngak Jehovah, ma gad rin’. (1Ko 16:9) Ya faan gad ra rin’ e re n’ey ma dab da kalgadngan’dad riy.
Boch ban’en nrayog ni ngan nameg ni fan ko tirok Got ban’en:
Ngan machibnag boch e girdi’ nib thil e thin rorad
Ngan un ko machib u polo’ e tayim
Ngan un nga boch e skul ni ke ngongliy e ulung rok Got
Ngan un i toy boch e naun ni fan ko liyor ni gad ma tay ngak Jehovah
Ngan maruwel u Bethel
Ngam mang be’ ni ma lekag e ulung