Rogon ni Ngan Fanay fare Babyor ni Mini’ e Piin ni Yad Be Rin’ e N’en nib M’agan’ Jehovah Ngay e Ngiyal’ Ney?

Fare brochure ni kenggin e Mini’ e Piin ni Yad Be Rin’ e N’en nib M’agan’ Jehovah Ngay e Ngiyal’ Ney? e kan ngongliy ni ngad fanayed u nap’an ni gad be fil e Bible ngak be’. Rayog ni ngam weliyew faen ni ga be fil e Bible ngak boch ban’en riy u m’on ni ngam tababgow ko fol Bible ara tomuren e fol Bible romew.a Guruy ni 1 nge mada’ ko 4 ko re ke babyor ney e be tamilangnag rarogodad ni gadad e girdi’ rok Jehovah. Ma guruy ni 5 nge mada’ ko 14 e be fil murung’agen e pi n’en ni gadad ma rin’. Ma guruy ni 15 nge mada’ ko 28 e be tamilangnag e pi n’en ni ma rin’ e ulung rodad. Ba fel’ ni ngam weliyew faen ni gimew be fil e Bible e pi guruy ni bay ko re babyor ney ni be yan u rogon ni kan yarmiy. Machane, faanra bay ban’en nri baadag ni nge nang murung’agen, ma rayog ni ngam weliyew fare guruy ni bay murung’agen e re n’em riy. Ra reb e guruy ma kemus ni taareb e page riy, ere susun nrayog ni ngam weliyew e pi n’en ni bay riy u lan lal ara ragag e minit.

• Som’on e ngam dag fare deer ni aram kenggin e re guruy ni ir e ngam weliyew

• Ngemu’ mi gimew beeg e re guruy nem u taabang ni aram e ngam beegew ni ga’ngin ara reb e ngam beegew reb e section nge reb

• Mi gimew weliy e n’en ni kam beegew. Rayog ni ngam weliyew e pi deer ni bay u but’ ko re guruy nem nib muun e pi sasing ni bay riy. Mi gimew beeg min weliy e pi thin nu Bible ni bay ko paragraph u taabang ni faanra ga be lemnag nib fel’ ni ngam rin’ew. Mu tamilangnag rogon ni ke pi’ e pi subheading nib gel ramaen e yol riy e fulweg ko fare deer ni ir e kenggin e re guruy nem

• Faanra bay fare kahol ni kenggin e “Kum Gay Boch Ban’en u Murung’agen,” mi gimew beeg u taabang, mag pi’ e athamgil nga laniyan’ faen ni ga be fil e Bible ngak ni nge rin’ e n’en ni bay ko re kahol nem