Nge Puluw Fan ni Ngam Lek Jesus

6:9-11, 25-27, 54, 66-69

Nap’an ni weliy Jesus reb e fanathin nib mo’maw’ ngak pi gachalpen ni ngar nanged fan, ma bay boch i yad ni magawon lanin’rad me war e michan’ rorad. Ma bochan e re n’ey ma aram fan ndakurur uned ngak. Reb e rran u m’on riy, me ngongliy Jesus ba maang’ang ni aram e duruw’iyrad, nre n’ey e micheg ni yib gelngin rok Got. Ere mang fan ni magawon laniyan’ boch pi gachalpen miki war e michan’ rorad? Ya bochan e de puluw fan ni yad be un ngak Jesus ya kemus ni yad be un ngak ni bochan e pi n’en ni nge yag riy ngorad.

Ere ra bagadad me fith ir ni nge gaar: ‘Mang fan ni gu ma lek Jesus? Gur, gu be rin’ e re n’ey ni bochan e tow’ath ni be yag riy ngog e chiney nge tin nra yag ngog boch nga m’on? Ara gu be rin’ ni bochan e ba t’uf Jehovah rog ma gu baadag ni nggu fel’ u wan?’

Mang fan nrayog ni nge magawon lanin’dad me war e michan’ rodad ni faanra kemus ni fan ni gad be pigpig ngak Jehovah e bochan e pi n’en ni baaray?

• Gad ma felfelan’ ni gad ma chag e girdi’ rok Got u taabang

• Gad baadag ni ngad uned ko par u Paradis