Dariy Ban’en ni Kan Adbey

Tomuren ni ngongliy Jesus reb e maang’ang ni aram e duruw’iy 5,000 e pumoon nib muun e ppin nge bitir ngay, me yog ngak pi gachalpen ni gaar: “Mu kunuyed e yu yang ni ke aw ko ggan; nge siy da adbeyed buchuuw.” (Joh 6:12) Ere, ke dag Jesus nib ga’ fan u wan’ e pi n’en ni ke pi’ Jehovah ya dariy ban’en ni kan adbey.

Ngiyal’ ney e girdien fare Ulung ni Ma Pow’iyey e yad ma athamgil ni ngar folwokgad rok Jesus ni aram e yad ma guy rogon ni ngar maruwelgad ko salpiy ni ayuw ni yima pi’ nib fel’ rogon. Bod nnap’an ni yibe toy fare tochuch rodad u Warwick, New York me mel’eg e pi walag nib pumoon reb e design ko naun ni ir e ngan maruwel ngay. Fan ni kar mel’eged e re design ney e bochan ni nge m’ug riy ni yad be maruwel ko salpiy ni ayuw ni kan pi’ ko ulung nib fel’ rogon.

UW ROGON NI NGE DAB DA ADBEYED BOCH BAN’EN U NAP’AN . . .

• ni gad be un ko pi muulung ko Kristiano?

• ni gad ra fek boch e babyor ni ngad fanayed? (km 5/09 3 ¶4)

• ni gad ra fek boch e babyor ni ngad fanayed u nap’an e machib? (mwb17.02 4 “Mu Gonopiy Rogon ni Ga Be Wereg e Pi Babyor Rodad” ¶1)

• ni gad be pi’ e babyor u nap’an e machib? (mwb17.02 4 “Mu Gonopiy Rogon ni Ga Be Wereg e Pi Babyor Rodad” ¶2 nge fare kahol)