Yira Nang e Tin Riyul’ e Kristiano ni Bochan ni Bay e T’ufeg u Thilrad​—Mu Siyeg fare Lem ni Fel’ Ngak maku Dab Um K’aring e Damumuw ngak Be’

FAN NIB GA’ FAN: I fil Jesus ko girdi’ ni yira nang pi gachalpen ni bochan e t’ufeg ni yad ma dag. (Joh 13:34, 35) Ere faanra ngad daged e t’ufeg ni bod ni dag Kristus, ma thingar da lemnaged e tin baadag e girdi’ ma gad guy rogon ni nge dab ud damumuwgad nib papey.​—1Ko 13:5.

ROGON NI NGAN RIN’:

• Nap’an nra rin’ be’ ban’en ara yog ban’en ngom ni ke kirebnag lanin’um, mab fel’ ni ngam tal ngam fal’eg i lemnag fan ni ke sum e re magawon nem. Ma ngkum lemnag e n’en nra buch ni faan ga ra rin’ e n’en ni kam lemnag ni ngam rin’.​—Pr 19:11

• Dab mu pagtalin ni gad gubin ndawor da flontgad, ere yu ngiyal’ ma gad ma yog ara da rin’ed boch ban’en nra tomur ma gad kalgadngan’dad riy

• Faanra bay ban’en nde taareb lanin’mew be’ riy, mag guy rogon ni ngam pithig nib papey

NGAN YALIY FARE VIDEO NI KENGGIN E “HAVE LOVE AMONG YOURSELVES”​—REJECT SELFISHNESS AND PROVOCATION, NGEMU’ MIN PI’ E FULWEG KO PI DEER NI BAARAY:

• Uw rogon ni m’ug ko n’en ni ke rin’ Larry nib pag rogon ni be lemnag e n’en ni yog Tom ngak?

• Bochan ni ke tal Tom ni nge fal’eg i lemnag e n’en ni ka nog ngak, ma uw rogon ni ke ayuweg e re n’ey ni nge dabi damumuw nib papey?

• Bochan ni pi’ Tom e fulweg u fithik’ e sumunguy, ma uw rogon ni ayuweg ni nge dabi ga’ fare magawon?