Yira Nang e Tin Riyul’ e Kristiano ni Bochan ni Bay e T’ufeg u Thilrad​—Mu Ayuweg e Taareban’ ni Bay Rodad

FAN NIB GA’ FAN: Nap’an e re nep’ i n’em u m’on ni nge yim’ Jesus, me yibilay pi gachalpen ni “ngar pired ni kar taarebgad.” (Joh 17:23) Faanra ngad pared nib taareban’dad, ma thingar da daged e t’ufeg, ya t’ufeg e ra ayuwegdad ni nge dab da paged e kireb ni kan rin’ ngodad ni nge “aw nga lanin’dad.”​—1Ko 13:5.

ROGON NI NGAN RIN’:

• Mu folwok rok Jehovah ni aram e ngam sap nga fel’ngin e girdi’

• Mu n’ag fan e kireb ni kan rin’ ngom

• Nap’an ni kam pithigew be’ reb e magawon ni ke sum u thilmew, ma dab kum sul ngam weliy bayay.​—Pr 17:9

NGAN YALIY FARE VIDEO NI KENGGIN E “HAVE LOVE AMONG YOURSELVES”​—DO NOT KEEP ACCOUNT OF THE INJURY, NGEMU’ MIN WELIY E FULWEG KO PI DEER NI BAARAY:

• Uw rogon ni ke dag Helen u tabolngin e re video ney ni ke pag e kireb ni kan rin’ ngak ni nge “aw nga laniyan’”?

• Uw rogon ni ke yag rok Helen ni nge gel ko lem nde puluw ni immoy rok nrogon ni m’ug u tungun e re video ney?

• Uw rogon ni ke yag ni nge ayuweg Helen e ulung rok ni nge par ni bay e taareban’ riy?