Reb e Video nib Beech Nrayog ni Ngan Tabab i Fil e Bible Riy ko Girdi’

Bay reb e video ni kenggin e “Mang Fan ni Ngam Fil e Bible?” ni kan tay ko jw.org ni boor e girdi’ ni kar yaliyed. Re video ney e kan ngongliy ni nge ayuweg e piin ni yad baadag e machib ni ngar adaged ni ngar uned ko fol Bible. Rayog ni ngan yaliy e re video ney u nap’an ni yira mel’eg fare thin ni kenggin e, “Request a Bible Study” ni bay ko re home page ney ara u nap’an ni yira scannag fare QR (quick response) code ni bay u wuru’ fapi tract rodad ni kab beech. Baaray boch e kanawo’ nrayog ni ngad fanayed e re video ney riy.

• Nap’an ni ga ra sul ni ngam guy be’, ma rayog ni nge lungum ngak: “Rayog ni nggu dag reb e video ngom ni be weliy rogon nrayog ni ngam pirieg e fulweg ko pi deer rom u murung’agen boch e thin nu Bible? Re video ney e de n’uw.” Faanra yog ngom nrayog, ma ga pag fare video nge yaliy ko cell phone rom ara computer rok.

• Faanra kam pi’ reb fapi tract ni kab beech ngak be’ u nap’an e machib, ma ga dag ngak fare QR code ma gog ngak ni nge scan nag ko cell phone rok. Boor e thin ni ga ra scannag fare QR code riy me fekem ko Web site rodad. Ere, faanra aray rogon ma rayog ni ngam playnag fare video ko cell phone rom ni nge yaliy facha’.

• Mu weliy murung’agen e re video ney ngak e piin ni gimed nga maruwel, ara skul, ara girdi’ rom, nge ku boch e girdi’ ni ga manang, ma gog ni ngam pag ngar guyed. Fa reb e, mu emailnag e link ko re video ney ngorad, ma gog ngorad ni ngar yaliyed.

Gad ra fanay e biney e talin e maruwel ni kab beech, ma rayog ni nge yoor e girdi’ nda tababgad i fil e Bible ngorad, ma gad ayuweg e piin ni bay rogon ni “nge yog e yafos ndariy n’umngin nap’an ngorad.”​—Acts 13:48.