Yira Nang e Tin Riyul’ e Kristiano ni Bochan ni Bay e T’ufeg u Thilrad​—Mu Felfelan’ ko Tin Riyul’

FAN NIB GA’ FAN: Gadad be folwok rok Jesus, ere thingar da weliyed murung’agen e tin riyul’ ni bay rogon ko pi n’en nib m’agan’ Got ngay. (Joh 18:37) Ku thingar da felfelan’gad ko tin riyul’, ma gad weliy, ma gad lemnag e pi n’en nib riyul’ ni yugu aram rogon ni gad be par u ba fayleng nib sug ko sasalap nge tin nde mat’aw ban’en.​—1Ko 13:6; Fil 4:8.

ROGON NI NGAN RIN’:

• Mu dugliy u wan’um ndab mu motoyil ara mu gun’gun’nag be’.​—1Th 4:11

• Dab mu felfelan’ u nap’an nra buch ban’en rok be’ ni ke gafgow riy

• Mu felfelan’ ko pi n’en nib fel’ ni ma pi’ e athamgil nga lanin’uy

NGAN YALIY FARE VIDEO NI KENGGIN E “HAVE LOVE AMONG YOURSELVES”​—REJOICE, NOT OVER UNRIGHTEOUSNESS, BUT WITH THE TRUTH, NGEMU’ MIN WELIY E FULWEG KO PI DEER NI BAARAY:

• Uw rogon ni ke dag Debbie nib “fel’ u wan’ e ngongol nib kireb”?

• Uw rogon ni ke guy Alice rogon ni nge thilyeg e n’en ni yow be weliy Debbie ya nge yag ni ngar weliyew ban’en nib fel’?

• Mang boch ban’en nib fel’ nrayog ni ngad weliyed murung’agen?