LIBRARY U ONLINE ni fan ko Wulyang ko Damit
Wulyang ko Damit
LIBRARY U ONLINE
Waab
  • BIBLE
  • PI BABYOR
  • PI MUULUNG
  • wp20 no. 3 p. 12
  • Rogon ni Ngad Daged e T’ufeg ko Girdi’

Dariy e video ko n'en ni kam mel'eg.

Wenig ngom, dabiyog ni nge load e re video ney.

  • Rogon ni Ngad Daged e T’ufeg ko Girdi’
  • Fare Wulyang ko Damit Ni Be Weliy Morngaagen Gil’ilungun Jehovah (Fan ko Girdi’ ni Yoor)—2020
  • Pi Subheading
  • Boch Ban'en ni Ku Taareb Rogon Ngay
  • N’EN BE YOG FARE BABYOR NIB THOTHUP U MURUNG’AGEN E T’UFEG
  • N’EN BE YIP’ FAN NI NGE T’UF E GIRDI’ ROM
  • T’ufeg​—e Aram Reb e Fel’ngin Nrib Ga’ Fan
    Fare Wulyang ko Damit Ni Be Weliy Morngaagen Gil’ilungun Jehovah (Ken ni Ngan Fil)—2017
  • Rogon ni Nge Par nib Gel e T’ufeg u Thildad
    Fare Wulyang ko Damit Ni Be Weliy Morngaagen Gil’ilungun Jehovah (Ken ni Ngan Fil)—2023
  • “Rogon nib T’uf Got nge Girdi’ Rodad e . . . Thingari Yan i Aw nib Riyul’ ma Be M’ug ko Ngongol”
    Fare Wulyang ko Damit Ni Be Weliy Morngaagen Gil’ilungun Jehovah (Ken ni Ngan Fil)—2017
  • Mu T’ufeg Fare Got Ni Gab T’uf Rok
    Fare Wulyang Ntagil’ E Damit Ni Be Weliy Morngaagen Gil’ilungun Jehovah—2007
Kum Guy Boch Ban'en
Fare Wulyang ko Damit Ni Be Weliy Morngaagen Gil’ilungun Jehovah (Fan ko Girdi’ ni Yoor)—2020
wp20 no. 3 p. 12
Fare moon nu Samaria ni weliy Jesus murung’agen u lan fare fanathin rok e be gapgepnag e maad’ad ko fare pumoon ni kan pirdiiy min digey u marichlen e kanawo’.

T’ufeg e ra k’aringdad ni ngad m’oneged e tin ra yib angin ngak yugu boch e girdi’ me tomur e tirodad

Rogon ni Ngad Daged e T’ufeg ko Girdi’

Bochan ni kad bad rok Adam ni ir e bin som’on e pumoon ni immoy, ma aram fan ni gadad girdien taab tabinaw. Yugu aram rogon ni girdien reb e tabinaw e susun ni ngaur daged e t’ufeg nge tayfan ngorad, machane ngiyal’ ney e ke mo’maw’ ni ngan pirieg e mit ney e t’ufeg. Gathi ireray e n’en nib m’agan’ e Got rodad ngay ni gad ba t’uf rok.

N’EN BE YOG FARE BABYOR NIB THOTHUP U MURUNG’AGEN E T’UFEG

‘Nge par nib t’uf yugu boch e girdi’ rom ni bod gur ni gab t’uf rom.’​—LEVITIKUS 19:18.

“Nge t’uf romed e pi toogor romed.”​—MATTHEW 5:44.

N’EN BE YIP’ FAN NI NGE T’UF E GIRDI’ ROM

Mu tay fanam i yan u rogon ni ke weliy Got murung’agen e t’ufeg ko Thin rok ni bay ko 1 Korinth 13:4-7:

“En nib t’uf Got rok nge girdi’ e ba gum’an’ ma ba gol.”

Am lemnag: Uw rogon u wan’um ni faanra ma gum’an’ e girdi’ u puluwom ma yad ba gol ngom, maku darur damumuwgad u nap’an ni kam oloboch?

“En nib t’uf Got rok nge girdi’ e der ma awan’.”

Am lemnag: Uw rogon u wan’um ni faanra der pagan’ boch e girdi’ ngom ara be awan’rad ngom?

En nib t’uf Got rok nge girdi’ e gathi “ke mus ni ir e ma lemnag ir.”

Am lemnag: Uw rogon u wan’um ni faanra ba m’agan’ boch e girdi’ ngay ni ngar ted fan rogon lanin’um u boch ban’en ma darur lemnaged ni gubin ngiyal’ ni yad e ngaun yan nga lanin’rad?

En nib t’uf Got rok nge girdi’ e “der ma aw nga laniyan’ e n’en nib kireb ni kan rin’ ngak.”

Am lemnag: Ba m’agan’ Got ngay ni nge n’ag fan e denen rok e piin kar kalgadngan’rad. “Der ma par ni yugub puwan’; ma der ma par nib damumuw ni dariy n’umngin nap’an.” (Psalm 103:9) Faanra kad rin’ed ban’en ngak be’ ni ke kirebnag laniyan’, ma gad ma felfelan’ u nap’an nra n’ag fan rodad. Ere susun e ngki m’agan’dad ngay ni ngad n’aged fan e kireb rok yugu boch e girdi’ u nap’an ni kar rin’ed ban’en ni ke kirebnag lanin’dad.​—Psalm 86:5.

iEn nib t’uf Got rok nge girdi’ e “de fel’ u wan’ e ngongol nib kireb.”

Am lemnag: Nap’an nra buch ban’en nib kireb rodad, ma dubdad ni nge felfelan’ yugu boch e girdi’ ko gafgow ni gad be tay. Ere darud felfelan’gad u nap’an nra gafgow yugu boch e girdi’ ni mus ni faanra yad be gafgownagdad.

Ra nge tow’athnagdad Got, ma thingar da t’ufeged e girdi’ ndemtrug yangarrad, ara nam rorad, ara teliw rorad. Reb e kanawo’ nrayog ni ngad rin’ed e re n’ey riy e aram e ngad ayuweged e piin ke t’uf e ayuw rorad.

    Yapese Publications (1984-2025)
    Mu Log Out
    Mu Log In
    • Waab
    • Mu Sharenag
    • Pi N'en Nrayog ni Ngam Mel'eg
    • Copyright © 2025 Watch Tower Bible and Tract Society of Pennsylvania
    • Rogon ni Ngan Fanay
    • Privacy Policy
    • Privacy Settings
    • JW.ORG
    • Mu Log In
    Mu Sharenag